.gif)
_(1).gif)
.png)
काठमाण्डौ । बहुराष्ट्रिय कम्पनी युनिलिभरले आईसक्रिम व्यवसायलाई अलग गर्ने भएको छ । म्गागनम र बेन एण्ड जेरी ब्राण्डको रुपमा चर्चित आईसक्रिम युनिटलाई युलिभरले अलग व्यवसायको रुपमा स्थापना गर्न लागेको हो ।
यसका साथै कम्पनीले नयाँ खर्च घटाउने कार्यक्रमअन्तर्गत ७ हजार ५ सय रोजगारी कटौती गर्ने घोषणा समेत गरेको छ ।
लगानीकर्ताले कम्पनीको यो कदमको स्वागत गरेका छन् । कम्पनीको यो घोषणासँगै कम्पनीको सेयरमूल्यमा ६ प्रतिशतसम्मको उछाल आएको थियो ।
आईसक्रिम व्यवसायलाई अलग गर्ने कार्य सन् २०२५ को अन्त्यसम्म सकिने अनुमान गरिएको छ । आईसक्रिम व्यवसायलाई अम्सटेरड्याममा रहेने भिन्न केन्द्रीय कार्यालयमा सार्ने योजना बनिरहेको सीईओ हिअन स्कुमाचरले बताए ।
कम्पनीको यो योजनालाई सक्रिय लगानीकर्ता,बोर्ड सञ्चालक नेल्सन पेल्ट्ज फण्ड । युनिलिभर सेयरहोल्डर अभिभाले स्वागत गरेको छ ।
(1).gif)
व्यवसाय अलग भएपछि युनिलिभरले मध्यम एकल अंकको बिक्री वृद्धि र मध्यम मार्जिन सुधारको अपेक्षा राखेको जनाएको छ । युनिलिभरको विश्वभरको कुल बिक्रीमा आईसक्रिम व्यवसायको हिस्सा १६ प्रतिशत रहेको छ । केहि देशहरुमा त यस्तो हिस्सा ४० प्रतिशतसम्म रहेको छ ।
युनिलिभरको अन्य ब्राण्डहरु जस्तै डोभ साबुन,मारमाइट र हेलम्यान कन्डीमेन्टले पनि आगामी ३ वर्षभित्र ८०० मिलियनसम्मको खर्च कम गर्ने कार्यक्रम पेश गरेका छन् । यी परिवर्तनहरुले विश्वभर ७ हजार ५ सयको रोजगारी गुम्ने जनाइएको छ । जुन युनिलिभरको विश्वभर रहेको कुल १ लाख २८ हजार जनशक्तिको ५.९ प्रतिशत हुन आउँछ ।
युनिलिभरले केन्द्रीय कार्यालय,कर्पोरेट सेन्टर,बिजनेश ग्रुप कोडिनेसन प्वाइन्ट र विभिन्न देशमा रहेका बिजनेश युनिटहरुमा रोजगारी कटौती गर्ने जनाएको छ । तर कम्पनीले यसबाट कुन क्षेत्र सबैभन्दा प्रभावित हुनेछ भन्ने बारे भने केहि खुलाएको छैन ।
विगत केहि वर्षदेखि व्यवसायमा खासै सुधार हुन नसेको अवस्थामा गत जुलाईमा सीईओ बनेका स्कुमाचारको यो कदमलाई लगानीकर्तामाझ आत्मविश्वास उत्साह फर्काउने कदमको रुपमा हेरिएको छ । -एजेन्सी
.gif)
.png)
.png)
.jpg)
.jpg)
.png)
.jpg)
.gif)
.gif)
