.gif)
(1).gif)
(2).gif)
.jpg)
.gif)
.png)
काठमाण्डौ । पछिल्लो समय सेयरबजार घट्दै जाँदा सबैभन्दा बढी निर्जीवन बीमा कम्पनीहरुको सेयरभाउ ह्वात्तै घटेको छ । नेप्से परिसूचक २५ सय विन्दुबाट तल खसेपछि अधिकांश निर्जीवन बीमा कम्पनीहरुको सेयरभाउ ५२ हप्ताकै न्यून विन्दुमा पुगेको छ ।
बीमा कम्पनीहरुको सेयरभाउ बोनस सेयर र हकप्रद सेयरका कारण समायोजन सँगै बढ्दो दायित्वका कारण झनै घटेको छ ।
तर ५२ हप्ताकै लो प्राइस नजिक पुगेका सबै बीमा कम्पनीको सेयरभाउ हकप्रद र बोनस सेयरको मूल्य समायोजनले घटेका भने होइनन् । घट्दो सेयरबजारमा प्रायः सबै सूचीकृत कम्पनीहरुको सेयरभाउ घटेका छन् । त्यसमध्ये पनि निर्जीवन बीमा कम्पनीहरुको सेयरभाउ धेरै घटेको देखिएको छ ।
(1).gif)
निर्जीवन बीमा कम्पनीहरुलाई एकपछि एक गर्दै बीमा दाबीको दायित्व थपिँदै जाँदा लगानीकर्ताहरुले अब लाभांश नपाउने आँकलन गरिरहेका छन् । जेनजीहरुको आन्दोलन र बाढीपहिरोको वितण्डाले बीमा कम्पनीहरुलाई ठूलो दायित्व ब्योहोर्नुपर्ने अवस्था छ ।
नेपाल बीमा प्राधिकरणका अनुसार जेनजी आन्दोलनका कारण असोज २८ गतेसम्मको तथ्याङ्कबमोजिम बीमा कम्पनीहरुले अझै २३ अर्ब १९ करोड ३६ लाख रुपैयाँको दाबी भुक्तानी तिर्न बाँकी रहेको छ भने गत असोज १८ गते अविरल वर्षाका कारण तथा बाढी पहिरोले भएको क्षतिबाट ३ अर्ब २६ करोड ७६ लाख रुपैयाँबराबरको बीमा दाबी परेको छ ।
यसरी एकपछि एक गर्दै ठूलो रकम दाबी परेपछि सेयरबजारमा निर्जीवन बीमा कम्पनीहरुको सेयरभाउ झनै घटेको छ । ठूलो दायित्व तिर्न पर्ने भएपछि नाफा घट्ने र कम्पनीहरुको लाभांश क्षमता समेत घट्ने देखिएकाले सेयरबजारमा निर्जीवन बीमा कम्पनीहरुको सेयरभाउ झनै घट्दै गइरहेको एक लगानीकर्ताले बताए ।
विशेषगरी अहिले बजारमा लगानीकर्ताहरु बढी ‘लो क्याप’ वा ‘अल्ट्रा लो क्याप’ कम्पनीमा आकर्षित देखिएकाले पनि बीमा कम्पनीहरु छायाँमा परेका छन् । सूचीकृत अन्य कम्पनीको तुलनामा बीमा कम्पनीहरुको पूँजी मध्यम वर्गमा देखिन्छ । यसरी लगानीकर्ताहरु लो क्यापतर्फ मात्रै आकर्षित हुँदा पनि बीमा कम्पनीहरुको सेयरभाउ अझै घट्न सक्ने संकेत देखिन्छ ।
साथै दीर्घकालिन लगानी गर्ने लगानीकर्ताहरुले अब केही वर्ष बीमा कम्पनीहरुले लाभांश बाँड्न नसक्ने अवस्था आउन सक्ने अनुमान समेत लगाइरहेका छन् ।
(2).gif)
.png)
.gif)
(49).jpg)
.jpg)
