सुनको मूल्यमा भारी गिरावट, आज प्रतितोला कतिमा हुँदैछ कारोबार ?

काठमाण्डौ । आइतबा्रको कारोबारमा सुनको मूल्य घटेको छ । स्थानिय बजारमा आज अघिल्लो कारोबारको दिनको तुलनामा सुनको भाउमा ४ हजार ८ सय रुपैयाँको गिरावट आएको हो ।

नेपाल सुनचाँदी व्यवसायी महासंघका अनुसार आज सुनको कारोबार प्रतितोला २ लाख ५३ हजार २ सय रुपैयाँमा भईरहेको छ ।

गत शुक्रबार सुनको भाउ हालसम्मकै उच्च कायम भएको थियो । उक्त दिन सुनको मूल्य ७ हजार १ सयले बढेर प्रतितोला २ लाख ५८ हजार कायम भएको थियो ।

आज सुनसँगै चाँदीको भाउमा समेत गिरावट आएको छ । गत शुक्रबार प्रतितोला ३ हजार ३५० रुपैयाँमा कारोबार भएको चाँदी आज प्रतितोला ३ हजार २७५ रुपैयाँमा झरेको छ । यससँगै चाँदीको भाउ ७५ रुपैयाँले घटेको छ ।