करिब ४ महिनापछि खुल्यो जग्गाको कित्ताकाट

काठमाण्डौ । सरकारले जग्गाको कित्ताकाट खुल्ला गरेको छ । सोमबार बसेको मन्त्रीपरिषद्को बैठकले गत साउनदेखि रोकिएको जग्गा कित्ताबाट खुल्ला गर्ने निर्णय गरेको भूमि व्यवस्था, सहकारी तथा गरिबी निवारण मन्त्री अनिल कुमार सिन्हाले बताए ।  

भू–उपयोग तेस्रो संशोधन नियमावली,२०८२ स्वीकृत भएसँगै जग्गाको कित्ताबाट खोलिएको हो ।  

सरकारले जग्गा वर्गिकरण गर्न स्थानिय तहहरुलाई २०८२ असार मसान्तसम्मको समय दिएको थियो । यद्यपी उक्त अवधिभित्र जम्मा २५३ स्थानिय तहले मात्रै वर्गिकरण गरेका थिए ।  

भू–उपयोग ऐन, २०७६ बमोजिम २०७९ जेठ २३ मा जारी भू–उपयोग नियमावलीअनुसार स्थानीय तहले कृषि र गैरकृषि जग्गा वर्गीकरण गरेपछि मात्र कित्ताकाट गर्न पाइन्थ्यो । तर, स्थानीय तहले वर्गीकरण गर्न ढिलाइ गरेपछि २०७९ मंसिरदेखि कित्ताकाट ठप्प भएको थियो ।  

त्यसपछि २०८० साउन ३० गते बसेको मन्त्रिपरिषद् बैठकले नियमावली संशोधन गर्दै जग्गा वर्गीकरणका लागि २०८२ साउन ३२ गतेको समय दिँदै कित्ताकाट खुला गर्ने निर्णय गरेको थियो । तर उक्त समयावधिभित्र पनि अधिकांश स्थानिय तहले वर्गीकरण नगर्दा फेरि जग्गाको कित्ताकाट रोकिएको थियो ।  

तोकिएको समयभित्र जग्गा वर्गिकरण नभएकाले २०८१ भदौ २५ गते बसेको मन्त्रीपरिषद्को बैठकले २०८२ असार मसान्तसम्मका लागि कित्ताबाट खोलेको थियो ।