वाणिज्य विभागले तिरायो अर्घाखाँची सिमेन्टलाई २ लाख बढी जरिवाना

काठमाण्डौ । अर्घाखाँची सिमेन्टलाई २ लाख ५ हजार रुपैयाँबराबरको जरिवाना तिराइएको छ । अनुगमनका क्रममा उपभोक्ता संरक्षण ऐनअनुसार काम नगरेको पाइएपछि वाणिज्य आपूर्ति तथा उपभोक्ता संरक्षण विभागले कम्पनीलाई उक्त रकमबराबरको जरिवाना गरेको हो ।

कम्पनीलाई उपभोक्ता संरक्षण ऐन, २०७५ को दफा १६ र दफा ३८ बमोजिमको कसुरमा सोही ऐनको दफा ३९ को १ बमोजिम कारबाही गरिएको विभागले जनाएको छ । विभागले आइतबार रूपन्देही र काठमाण्डौका विभिन्न उद्योग तथा प्रतिष्ठानमा एकैपटक बजार अनुमगन गरेको थियो । जसक्रममा कैफियत देखिएका कम्पनीलाईलाई कारवाही गरिएको थियो ।

यस्तै विभागले तिरूपति फुड प्रोसोसिङ इण्डस्ट्रिज सिदार्थनगर रूपन्देहीलाई पनि २ लाख ५ हजार रुपैयाँ जरिवाना गरेको छ । पञ्चकन्या स्टीललाई भने सामान्य निर्देशन दिइएको छ ।

विभागले आइतबार आकवा मिनरल्स, त्रिकोण वेभरेज, कुण्डपानी प्रशोधन उद्योग, अन्नपूर्ण इन्डस्ट्रिज, एनबि वेभरेज, शुभकामना मिनिरल वाटर एण्ड वेभरेज, चण्डेस्वरी मिनरल वाटर एयड वेभरेल, झरना प्योर ड्रिङकिङ वाटर प्रालि र कीर्तिपुर सहकारी खानेपानी उद्योगमा स्थलगत अनुमगन गरेको थियो ।