खाद्य विभागद्वारा ‘खजुरीको पफ’ बजारबाट फिर्ता लिन निर्देशन

काठमाण्डौ । कृषि तथा पशुपन्छी विकास मन्त्रालय अन्तर्गतको खाद्य प्रविधि तथा गुण नियन्त्रण विभागले खजुरीको नेपाल प्रालिद्वारा उत्पादित  ‘पफ’ बजारबाट तत्काल फिर्ता लिन निर्देशन दिएको छ । विभागले मंसिर १९ गते एक सूचना जारी गर्दै यस्तो निर्देशन दिएको हो ।

सूचनामा विभागबाट बजार अनुगमनको क्रममा खाद्य स्वच्छता तथा गुणस्तर ऐन, २०८१ वमोजिम संकलन गरिएको तपसिल वमोजिमको खाद्य पदार्थको नमूना प्रयोगशालामा परिक्षण गर्दा पफमा औद्योगिक ट्रान्स फ्याटको अधिकतम सीमा २ प्रतिशत भन्दा नबढेको हुनु पर्नेमा सो भन्दा वढी पाइएकोले बजारबाट फिर्ता लिन भनिएकोछ ।

खाद्य स्वच्छता तथा गुणस्तर ऐन, २०८१ को दफा ३८ (२) प्रावधान वमोजिम उक्त ब्याच नं.का सबै खाद्य पदार्थ वजारबाट तत्काल फिर्ता गर्न साथै सोही दफाको उपदफा (४) बमोजिम विक्रि वितरण नगर्नरनगराउनु हुन विभागीय निर्णय अनुसार आदेश जारी गरिएको विभागले जनाएको छ ।