बढ्यो सुनको भाउ, चाँदीले पहिलोपटक पार गर्यो प्रतितोला ४ हजारको आँकडा

काठमाण्डौ । स्थानिय बजारमा आज सुनको मूल्य वृद्धि भएको छ । आजको कारोबारमा सुनको भाउ अघिल्लो दिनको तुलनामा ७ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ५९ हजार ७ सय रुपैयाँमा कारोबार भईरहेको छ । अघिल्लो दिन भने सुनको भाउ प्रतितोला २ लाख ५९ हजार रुपैयाँ कायम थियो । उक्त दिन सुनको मूल्य १७ सय रुपैयाँले घटेको थियो ।

यस्तै आज चाँदीको भाउ भने उल्लेख्य बढेको छ । चाँदी आज १७० रुपैयाँले बढ्दै प्रतितोला ४ हजार ५५ रुपैयाँ पुगेको छ । चाँदीको यो भाउ हालसम्मकै उच्च हो ।