आज सुनको भाउ घट्यो, प्रतितोला कतिमा हुँदैछ कारोबार ?

काठमाण्डौ । लगातार तीन दिनसम्म ऐतिहासिक उचाई पुगेको सुनको भाउमा आज गिरावट आएको छ । स्थानिय बजारमा आज सुनको मूल्यमा २ हजार ९ सय रुपैयाँको ह्रास आएका छ ।

यससँगै सुनको मूल्य प्रतितोला २ लाख ९२ हजार २ सय रुपैयाँमा सीमित बनेको नेपाल सुनचाँदी व्यवसायी महासंघले जनाएको छ ।

अघिल्लो दिन भने सुनको भाउ प्रतितोला २ लाख ९५ हजार १ सय रुपैयाँ पुगेको थियो । उक्त मूल्य हालसम्मकै उच्च हो । अन्तर्राष्ट्रिय बजारमा उछाल आउँदा स्थानिय बजारमा सुनको भाउले लगातार ३ दिन रेकर्ड कायम गरेको थियो ।

यस्तै आज चाँदीको भाउ समेत घटेको छ । चाँदी ५० रुपैयाँले ओरालो लाग्दै प्रतितोला ५ हजार ८७० रुपैयाँमा कारोबार हुँदैछ ।