सुनको मूल्य घट्यो, चाँदीको भने बढ्यो

काठमाण्डौ । स्थानिय बजारमा सुनको मूल्य घट्ने क्रम आजपनि जारी रहेको छ । अघिल्लो दिन ३ हजार रुपैयाँले घटेको सुनको मूल्य आज पनि घटेको हो ।

आज सुनको मूल्य ९ सय रुपैयाँले घटेको छ । यससँगै सुनको कारोबार प्रतितोला ३ लाख १ हजार ९ सय रुपैयाँमा भईरहेको नेपाल सुनचाँदी व्यवसायी महासंघले जनाएको छ । अघिल्लो दिन भने एक तोला सुनको भाउ ३ लाख २ हजार ८ सय कायम भएको थियो ।

यस्तै आज चाँदीको भाउ भने बढेको छ । चाँदी आज २५ रुपैयाँले बढ्दै प्रतितोला ४ हजार ८८५ रुपैयाँ कायम भएको छ ।