सुनको मूल्यमा भारी वृद्धि, प्रतितोला कतिमा हुँदैछ कारोबार ?

काठमाण्डौ । स्थानिय बजारमा सुनको मूल्य घट्ने क्रम रोकिएको छ । पछिल्लो समय निरन्तर घटिरहेको सुनको भाउ आज ४ हजार ३ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख ४ हजार ७ सय रुपैयाँ कायम भएको छ । अघिल्लो दिन भने एक तोला सुनको भाउ ३ लाख ४ सय कायम थियो । उक्त दिन सुनको मूल्य ९ सय रुपैयाँले घटेको थियो ।

यस्तै आज चाँदीको भाउ पनि बढेको छ । चाँदी आज ८० रुपैयाँले बढ्दै प्रतितोला ८ हजार ६० रुपैयाँ कायम भएको छ ।