अमेरिका–इरान वार्ता निष्कर्षविहीन

काठमाण्डौ । अमेरिकाका विदेशमन्त्री जेडी भान्सले अमेरिका र इरानबीच भएको उच्चस्तरीय वार्ता निष्कर्षविहीन टुंगिएको बताएका छन्। करिब २१ घण्टा लामो गहन छलफलपछि पनि कुनै ठोस सहमति नजुट्नुले दुई देशबीचको कूटनीतिक गतिरोध तत्काल अन्त्य हुने संकेत देखिएको छैन।

उपराष्ट्रपति भान्सका अनुसार अमेरिकाले लचकता र सकारात्मक मनसायका साथ आफ्ना प्रस्तावहरू स्पष्ट रूपमा राखेको थियो। तर तेहरानले ती सर्तहरू स्वीकार नगरेपछि वार्ता निष्कर्षमा पुग्न सकेन। ‘हामी हाम्रो ‘अन्तिम र सबैभन्दा उपयुक्त प्रस्ताव’ प्रस्तुत गरेर फर्किएका छौँ—अब निर्णय इरानको हातमा छ,’ उनले भने।

वार्तामा पाकिस्तानको सहजीकरण उल्लेखनीय देखिएको छ। शहबाज सरिफ नेतृत्वको सरकारले संवाद वातावरण बनाउन सहयोग गरेको भन्दै अमेरिकी पक्षले आभार व्यक्त गरेको छ।

 साथै, असिम मुनिरको भूमिकालाई पनि सकारात्मक रूपमा स्मरण गरिएको छ। यसले दक्षिण एशियाली कूटनीतिमा पाकिस्तानको मध्यस्थकारी छवि सुदृढ हुने संकेत गर्छ।