(2).gif)
.jpg)
.png)
काठमाण्डौं । काठमाडौँ उपत्यकामा आज (सोमबार) पनि मौसम पूर्ण रूपमा खुल्ने सम्भावना नरहेको मौसम पूर्वानुमान महाशाखाले जनाएको छ ।
महाशाखाका अनुसार दिनभर आंशिक बदली रहने र साँझपख केही स्थानमा हल्का वर्षा हुन सक्ने अनुमान गरिएको छ ।
मौसमविद्हरूका अनुसार स्थानीय वायुको प्रभावका कारण उपत्यकाको मौसम परिवर्तनशील बनेको हो ।
बादल लाग्ने र खुल्ने क्रम दिनभर जारी रहने भएकाले बीच–बीचमा घाम पनि देखिन सक्ने बताइएको छ ।
आज बिहान ५ः४५ बजे गरिएको प्रारम्भिक मापनअनुसार काठमाडौँको न्यूनतम तापक्रम १६.५ डिग्री सेल्सियस रहेको छ ।
आधिकारिक न्यूनतम तापक्रम भने बिहान ८ः४५ बजे मापन गरिने भएकाले हालको तापक्रममा सामान्य परिवर्तन आउन सक्ने मौसमविद्हरूले बताएका छन् ।
महाशाखाका अनुसार अहिले काठमाडौँ उपत्यकाको दृश्यता करिब ७ हजार मिटर रहेको छ ।
हिजो उपत्यकाको अधिकतम तापक्रम २६.५ डिग्री सेल्सियस र न्यूनतम तापक्रम १४.७ डिग्री सेल्सियस मापन गरिएको थियो ।
मौसमविद्हरूका अनुसार न्यूनतम तापक्रमले राति र बिहानको मौसम अवस्था संकेत गर्ने गर्छ भने अधिकतम तापक्रमले दिनको गर्मीको अवस्थालाई जनाउँछ ।
देशभरका मौसम केन्द्रबाट दैनिक रूपमा बिहान र साँझ तापक्रम मापन गर्ने व्यवस्था रहेको महाशाखाले जनाएको छ ।
.png)
.jpg)
.jpg)
.jpg)
