नेपाल पर्यटन बोर्डलाई पुनर्संरचना गरिने, ५ हजार होमस्टेलाई ब्राण्डिङ गरिने

काठमाण्डौ । सरकारले नेपाल पर्यटन बोर्डलाई सार्वजनिक निजी साझेदारी मोडलमा पुनर्संरचना गरी नवप्रवर्तनशील बनाइने घोषणा गरेको छ ।  

राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्दै आगामी आर्थिक वर्षमा नयाँ पर्यटन क्षेत्रलाई प्राथमिकतामा राख्दै राष्ट्रिय समुदायद्वारा संचालित होमस्टेहरुलाई प्रबर्द्धन गरिने बताएका हुन् । 

आगामी आवमा कम्तिमा ५ हजार होमस्टेहरुलाई नेपाल होमस्टे ब्राण्डिङ गरी बुकिङ प्लेटफर्ममा ल्याइने उनले बताए ।  

साथै नेपाललाई साहसिक पर्यटन पर्वतारोहण, ट्रेकिङ, प्याराग्लाइडिङ, बन्जि जम्प लगायतका साहसिक गतिविधिलाई नयाँ पर्यटन इको सिस्टम बनाइने भएको छ ।