प्रतिनिधिसभा बैठक बस्दै, आगामी आर्थिक वर्षको बजेटमाथि संसदीय बहस निर्णायक चरणमा

काठमाण्डौ । संघीय संसद् अन्तर्गत प्रतिनिधिसभाको बैठक आज बिहान ११ बजे बस्ने भएको छ।  

बजेट अधिवेशनलाई अन्तिम निष्कर्षतर्फ लैजाने निर्णायक चरणका रूपमा आजको बैठकलाई विशेष चासोका साथ हेरिरहेको छ।

संसद् सचिवालयका अनुसार विनियोजन विधेयक, २०८३ माथि जारी दफावार छलफलका क्रममा सांसदहरूले उठाएका प्रश्न, नीति–समीक्षा तथा कार्यान्वयनसँग सम्बन्धित जटिल विषयमा सम्बन्धित मन्त्रालयका मन्त्रीहरूले जवाफ दिने र स्पष्टिकरण प्रस्तुत गर्ने कार्यसूची तय गरिएको छ।

आजको बैठकमा शिक्षा तथा खेलकुद, विज्ञान, प्रविधि तथा नवप्रवर्तन, कानून, न्याय तथा संसदीय मामिला, गृह, पूर्वाधार विकास, ऊर्जा, जलस्रोत तथा सिँचाइ, परराष्ट्र तथा अर्थ मन्त्रालयसँग सम्बन्धित बजेट शीर्षकहरूमा गहिरो राजनीतिक बहस हुने अपेक्षा गरिएको छ।

सांसदहरूले बजेट विनियोजनको प्राथमिकता, स्रोतको न्यायोचित वितरण, विकास परियोजनाको प्रभावकारिता तथा सरकारी योजनाको कार्यान्वयन क्षमतामाथि प्रश्न उठाउने तयारीसँगै बैठकमा सत्ता र प्रतिपक्षबीच तीव्र बहस हुने संकेत देखिएको छ।

बजेट अधिवेशनको यस चरणमा संसद्भित्रको छलफल केवल प्राविधिक मात्र नभई नीति–दिशा र सरकारको समग्र कार्यशैलीप्रति राजनीतिक मूल्यांकनको अवसरका रूपमा समेत लिइएको छ।