.gif)
.gif)
.png)
.png)
काठमाण्डौ । धितोपत्र बजार पूँजीकरणमा हिस्सा थप्न बीमा समूह अब्बल देखिएको छ । नेपाल स्टक एक्सचेञ्ज (नेप्से)मा सूचीकृत कम्पनीहरुको समूह तथा उपसूचक १३ वटा छन् ।
जसमध्ये चालु आर्थिक वर्षको १० महिनासम्ममा बीमा समूहबाट सर्वाधिक धितोपत्र सूचीकृत भएका छन् । यसर्थ बीमा समूहले धितोपत्र बजार पुँजीकरणमा सर्वाधिक हिस्सा थप्न सफल भएको छ ।
नेप्सेमा १२ वटा जीवन बीमा कम्पनी र १२ वटा निर्जीवन बीमा कम्पनी गरी कुल २४ वटा बीमा कम्पनी सूचीकृत छन् । वैशाख मसान्तसम्म बीमा समूहबाट ३२ अर्ब ४० करोड ९८ लाख रुपैयाँ बराबरको धितोपत्र सूचीकृत भएका छन् । जुन यो गत वर्षको तुलनामा १३०।८३ प्रतिशतले बढी हो ।
गत वर्षको वैशाख मसान्तसम्म बीमा समूहबाट १४ अर्ब ४ करोड ६ लाख रुपैयाँ बराबरको धितोपत्र सूचीकृत भएको थियो ।
चालु आर्थिक वर्षमा प्रिमियम मूल्यमा आईपीओ जारी गरेका चार जीवन बीमा कम्पनी आइएमई लाइफ, सिटिजन लाइफ, रिलायबल नेपाल लाइफ र सन नेपाल लाइफले आईपीओ जारी गरेर नेप्सेमा सूचीकृत भएका कारण पनि बीमा समूहबाट धितोपत्र बजार पुँजीकरणमा उल्लेख्य हिस्सा थपिएको हो ।
यसका साथै बीमा कम्पनीहरुले अन्य समूहका कम्पनीहरुको तुलनामा केही प्रतिशत भएपनि बोनस सेयर वितरण गरेकाले चालु आवमा सर्वाधिक धितोपत्र थपिन पुगेको हो ।
त्यस्तै, विकास बैंक समूहबाट पनि चालु आवको १० महिनामा धितोपत्र बजार पुँजीकरणमा ३२.५२ प्रतिशतले हिस्सा थपिएको छ । गत वर्षको वैशाखसम्म विकास बैंकहरुबाट २ अर्ब ९९ करोड १० लाख रुपैयाँ बराबरको धितोपत्र सूचीकृत भएकोमा यस वर्षको वैशासम्म ३ अर्ब ९६ करोड ३८ लाख रुपैयाँ बराबरको धितोपत्र सूचीकृत भएको छ ।
यसका साथै हाइड्रोपावर समूहबाट पनि १०.५३ प्रतिशतले धितोपत्र बजार पुँजीकरणमा हिस्सा थप भएको छ । गत वर्षको वैशाखसम्म यस समूहबाट २८ अर्ब १९ करोड ३८ लाख रुपैयाँ बराबरको धितोपत्र सूचीकृत भएकोमा यस वर्षको वैशाखसम्म ३१ अर्ब १६ करोड ३५ लाख रुपैयाँ बराबरको धितोपत्र सूचीकृत भएको छ ।
(1).gif)
त्यस्तै, धितोपत्र बजार पुँजीकरण हिस्सा थप्न वाणिज्य बैंक समूह सर्वाधिक कमजोर देखिएको छ । वैशाख मसान्तसम्म वाणिज्य बैंकहरुबाट ३६ अर्ब ५२ करोड ४७ लाख रुपैयाँ बराबरको धितोपत्र सूचीकृत भएको छ । जुन यो गत वर्षको तुलनामा ८०।३८ प्रतिशतले कम हो । गत वर्षको सोही अवधिसम्म वाणिज्य बैंकहरुबाट १ खर्ब ८६ अर्ब १४ करोड रुपैयाँ बराबरको धितोपत्र सूचीकृत भएको थियो ।
फाइनान्स समूहबाट पनि जम्मा २३ करोड ७ लाख रुपैयाँ बराबरको धितोपत्र सूचीकृत भएको छ । यो गत वर्षको तुलनामा ६३.३० प्रतिशतले कम हो । गत वर्षको वैशाखसम्म फाइनान्स कम्पनीहरुबाट ६२ करोड ८६ लाख रुपैयाँ बराबरको धितोपत्र सूचीकृत भएको थियो ।
माइक्रोफाइनान्स समूहबाट पनि जम्मा १ अर्ब ४७ करोड रुपैयाँको धितोपत्र सूचीकृत भएको छ । यो गत वर्षको तुलनामा ३७.६१ प्रतिशतले कम हो । गत वर्षको सोही अवधिसम्म माइक्रोफाइनान्स कम्पनीहरुबाट २ अर्ब ३६ करोड रुपैयाँ बराबरको धितोपत्र सूचीकृत भएको थियो ।
यसैगरी अन्य समूहबाट पनि १९ अर्ब ६७ करोड २३ लाख रुपैयाँ बराबरको धितोपत्र सूचीकृत भएको छ । यो गत वर्षको तुलनामा ६०.३८ प्रतिशतले कम हो । गत वर्ष अन्य समूहबाट ४९ अर्ब ६५ करोड ५५ लाख रुपैयाँ बराबरको धितोपत्र सूचीकृत भएको थियो ।
.png)
.jpg)
(1)(1).jpg)
.gif)
(1).gif)
.gif)
