.gif)
_(1).gif)
.jpg)
.png)
काठमाण्डौ । जीवन बीमा कम्पनीहरुको आधा व्यवसाय बागमती प्रदेशमा निर्भर रहेको छ । सञ्चालनमा रहेका १४ जीवन बीमा कम्पनीले बागमती प्रदेशबाट मात्रै ४४.०५ प्रतिशत व्यवसाय भित्र्याएका छन् ।
नेपाल बीमा प्राधिकरणका अनुसार जेठ मसान्तसम्म जीवन बीमकहरुले बागमती प्रदेशबाट मात्रै १ करोड ९४ लाख ४७१ वटा बीमालेख बिक्री गरी कुल ५८अर्ब ९२करोड १८ लाख रुपैयाँ बीमा शुल्क आर्जन गरेका छन् ।
बागमतीबाट उठेको प्रिमियम रकम जीवन बीमा कम्पनीहरुको कुल व्यवसायको ४४ प्रतिशत हिस्सा हो । जीवन बीमा कम्पनीहरुले सबै प्रदेशबाट १ खर्ब ३३ अर्ब ७५ करोड रुपैयाँ प्रिमियम संकलन गरेका छन् ।
नेपाल बीमा प्राधिकरणले सबै प्रदेशमा बीमाको दायरामा आएको जनसंख्या प्रतिशत बढाउने विभिन्न प्रयास गरेपनि सफल हुन सकेको छैन । जीवन बीमकहरुको आधा जसो व्यवसाय बागमती प्रदेशमा निर्भर हुँदा बीमाको दायरा समेत बढ्न सकिरहेको छैन ।
(1).gif)
प्राधिकरणले अन्य प्रदेशमा समेत बीमामा आबद्ध हुने जनसंख्या प्रतिशत बढाउन विभिन्न खालका रणनीतिहरु अपनाउँदै आएको छ । प्राधिकरणले विभिन्न स्थानीय निकायहरुसँगको समन्वयमा बीमा सचेतनामूलक कार्यक्रम र बीमा अन्तरक्रिया कार्यक्रम गर्दै आएको छ । तर नेपालको कुल जनसंख्यामध्ये आधा भन्दा बढी जनसंख्या बीमाको दायरामा पर्न सकेको छैन ।
बीमाको दायरा बढाउन प्राधिकरणले यस वर्षमात्रै लघुबीमाको लाइसेन्स वितरण गरेको छ । जसअनुसार हाल ७ वटा लघुबीमा कम्पनी सञ्चालनमा छन् । स्थानीय तहमा गई सर्वसाधारणको बीमा गराउने अभिप्रायले लाइसेन्स बाँडेपनि त्यस्ता क्षेत्रको बीमाको दायरा बढ्न नसकेको तथ्याङ्कले देखाएको छ ।
बागमती प्रदेशपश्चात् बीमा कम्पनीहरुले लुम्बिनी प्रदेशबाट व्यवसाय भित्र्याएका छन् । सो प्रदेशबाट ९ लाख ९४ हजार ९३७ वटा बीमालेख बिक्री गरी २१ अर्ब ९ करोड रुपैयाँ प्रिमियम भित्र्याएका छन् । जुन यो कुल व्यवसायको १५.७७ प्रतिशत हिस्सा हो ।
यसका साथै कोशी प्रदेशबाट पनि जीवन बीमकहरुले १२.१७ प्रतिशत व्यवसाय भित्र्याएका छन् । सो प्रदेशबाट कम्पनीहरुले ११ लाख ५३ हजार ४७४ वटा बीमालेख बिक्री गरी १६ अर्ब २७ करोड रुपैयाँ प्रिमियम संकलन गरेका छन् ।
त्यस्तै, गण्डकी प्रदेशबाट ५ लाख ३८ हजार ७४९ वटा बीमालेख बिक्री गरी १३ अर्ब ६५ करोड, मधेश प्रदेशबाट ५ लाख ८६ हजार ४१४ वटा बीमालेख बिक्री गरी १२ अर्ब ११ करोड, सुदूरपश्चिम प्रदेशबाट ५ लाख १९ हजार ८ वटा बीमालेख बिक्री गरी ८ अर्ब ८ लाख रुपैयाँ र कर्णाली प्रदेशबाट २ लाख २ हजार ५६९ वटा बीमालेख बिक्री गरी ३ अर्ब ६१ करोड रुपैयाँ बीमाशुल्क संकलन गरेका छन् ।
.gif)
.png)
.png)
.jpg)
.jpg)
.gif)
(1).gif)
.gif)
