.gif)
_(1).gif)
.png)
काठमाण्डौ । एनएमबी लघुवित्त वित्तीय संस्था लिमिटेडले ६ करोड रुपैयाँ बढी घाटा व्यहोरेको छ । संस्थाले जारी गरेको चालु आवको दोस्रो त्रैमाससम्मको अपरिष्कृत वित्तीय विवरण अनुसार संस्थाले ६ करोड ७५ लाख ६३ हजार रुपैयाँ बढी घाटा व्यहोरेको हो ।
.gif)
अघिल्लो आवको दोस्रो त्रैमाससम्म भने संस्था १३ लाख ५३ हजार रुपैयाँ नाफामा थियो ।
संस्थाको खुद ब्याज आम्दानी २६.०७ प्रतिशतले घट्दै २९ करोड ७१ लाख रुपैयाँमा सीमित भएको छ । अघिल्लो आवको समीक्षा अवधिसम्म कम्पनीको खुद ब्याज आम्दानी ४० करोड २० लाख रुपैयाँ थियो ।
संस्थाको इम्पेयरमेन्ट चार्ज २ करोड ६३ लाख रुपैयाँले ऋणात्मक रहेको छ । अघिल्लो आवसम्म १ अर्ब ५४ करोड निक्षेप संकलन गरेको संस्थाले समीक्षा अवधिसम्म भने १ अर्ब ४१ करोड मात्रै निक्षेप संकलन गरेको छ ।
संस्थाको बर्जा प्रवाह समेत २.७८ प्रतिशतले घट्दै ४ अर्ब ७३ करोड रुपैयाँमा सीमित भएको छ ।
संस्थाको खराब कर्जा अनुपात बढेर ७.८५ प्रतिशत पुगेको छ । अघिल्लो आवमा संस्थाको खराब कर्जा अनुपात ४.९४ प्रतिशत कायम थियो ।
समीक्षा अवधिसम्म संस्थाको प्रतिसेयर आम्दानी(ईपीएस)१८.७३ रुपैयाँ ऋणात्मक,मूल्य आम्दानी अनुपात २९.६५ गुणा ऋणात्मक,प्रतिसेयर नेटवर्थ १२९.९५ रुपैयाँ,प्रतिसेयर कुल सम्पत्तिको मूल्य ७३१.८७ रुपैयाँ र तरलता अनुपात ९.३५ गुणा कायम भएको छ ।
.png)
.jpg)
.gif)
.gif)
.gif)
