.gif)
.gif)
.png)
काठमाडौ। नेपाल विद्युत् प्राधिकरणको संखुवासभा शाखा कार्यालय मादीका इन्चार्जसहित दुई कर्मचारी कुटिएका छन्। विद्युत् महसुल नतिरेपछि लाइन काटिएको र त्यो जोड्न धम्की दिँदै कर्मचारीमाथि कुटपिट गरिएको विद्युत् प्राधिकरण शाखा संखुवासभाले जनाएको छ।
(1).gif)
कार्यालयका अनुसार इन्चार्ज राजकुमार राई र प्रदीप जिमी यही साउन १५ गते कुटिएका हुन्। कुटपिटको आरोपमा मादी नगरपालिका-४, ओखरबोटका स्थानीय लक्ष्मण लिङ्थेप र हर्कहाङ लिम्बूविरुद्ध इलाका प्रहरी कार्यालय चैनपुरमा उजुरी दर्ता गरिएको प्रहरीले जनाएको छ।
विद्युत् महसुल नतिरेर लाइन काटिएको विषयमा विवाद हुँदा राई र जिमीमाथि गालीगलौज, हातपात र कुटपिट गरिएको थियो। स्थानीय लिङ्थेपको क्रसर उद्योगले ६ लाख ४० रुपैयाँ बक्यौता नतिरेपछि प्राधिकरणले लाइन काटेको जनाएको छ। कर्मचारीमाथि कुटपिटपछि मादीस्थित शाखा कार्यालय साउन १५ देखि बन्द छ।
उक्त कार्यालयमा ६ कर्मचारी कार्यरत छन्। शाखा कार्यालय बन्द गरिँदा सेवाग्राही मारमा परेका छन्। कुटपिटपछि कर्मचारी त्रासमा छन्। कार्यालय बन्द गरेर उनीहरू सदरमुकाम आएका छन्।
.png)
.gif)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।