.gif)
_(1).gif)
.jpg)
.png)
काठमाण्डौ । हालै आईपीओ जारी गरेका केही सूचीकृत कम्पनीका प्रमुख कार्यकारी अधिकृतहरुले सञ्चालकहरुसँग मिलेर कर्मचारीका लागि छुट्याइएको आरक्षित कोटाको सेयर झ्वाम पारेको रहस्योद्घाटन भएको छ ।
सन नेपाल लाइफ इन्स्योरेन्सका प्रमुख कार्यकारी अधिकृत राजकुमार अर्यालले सञ्चालकहरुसँग मिलेर कर्मचारीका लागि आरक्षित ३ लाख ८४ हजार कित्ता आईपीओ झ्वाम पारेका अनुसन्धानका क्रममा खुलेको हो । हाल यो कम्पनीको दोश्रो बजार सेयरमूल्य प्रतिकित्ता ६५० रुपैयाँ हाराहारीमा छ । यो हिसाबले सीइओ अर्यालले गडबडीपूर्ण तरिकाले हडपेको सेयरको वर्तमान मूल्य करिब २५ करोड बराबरको हुन आउँछ ।
(1).gif)
सन नेपाल लाइफ इन्स्योरेन्सले २०८० साउन अन्तिमदेखि सर्वसाधारणमा ७६ लाख ८० हजार कित्ता आईपीओ निश्कासन गरेको थियो ।
जारी पूँजी ३ अर्ब २० करोड रुपैयाँको ३० प्रतिशतले हुन आउने ९६ करोड रुपैयाँ बराबरको ९६ लाख कित्ता सर्वसाधारणमा विक्री गर्न कम्पनीले नेपाल धितोपत्र बोर्डबाट अनुमति पाएको थियो ।
सर्वसाधारणतर्फको कुल कित्ता आईपीओमध्ये १० प्रतिशत दरको ९ लाख ६० हजार कित्ता आईपीओ वैदेशिक रोजगारीमा रहेका नेपालीमा र ५ प्रतिशत दरको ४ लाख ८० हजार कित्ता सामूहिक लगानीकोषहरूमा बाँडफाँट गरिएको थियो । प्रतिकित्ता एक सय रुपैयाँ अंकित मूल्यमा १३९ रुपैयाँ थप गरी कुल २३९ रुपैयाँमा कम्पनीले आईपीओ बिक्री गरेको थियो ।
कम्पनीका कर्मचारीका लागि भने ४ लाख ८० हजार कित्ता आईपीओ प्रतिकित्ता एकसय रुपैयाँमै बिक्री गरिएको बताइएको थियो । कम्पनीका लागि छुट्याइएको यही ४ लाख ८० हजार कित्ता आईपीओमध्ये ८० प्रतिशत सेयर प्रमुख कार्यकारी अधिकृत अर्याल एक्लैले लिएर बाँकी प्रतिशत मात्र कर्मचारीलाई वितरण गरेका धितोपत्र बोर्डको अनुसन्धानबाट खुलेको हो ।
सीइओ अर्यालले कानूनी छिद्रको फाइदा उठाउँदै कर्मचारीका लागि आरक्षित कोटाको सेयरमध्ये ८० प्रतिशत आफैंले लिएपछि असन्तुष्टहरुले धितोपत्र बोर्डमा उजुरी दिएका थिए । कर्मचारीहरुको उजुरीपछि धितोपत्र बोर्डले सो विषयमा अनुसन्धान गरेको थियो । सो क्रममा कर्मचारीका लागि छुट्याइएकोमध्ये ८० प्रतिशत सेयर अर्यालले लिएको देखिएको अनुसन्धानमा संलग्न बोर्डका एक अधिकारीले जानकारी दिए ।
धितोपत्र बोर्डले सन नेपाल लाइफको आईपीओ वितरणमा गडबडी देखेपछि सीइओ अर्याल लगायतको संलग्नता किटान गर्दै थप अनुसन्धानका लागि नेपाल प्रहरीको केन्द्रीय अनुसन्धान ब्यूरो(सीआइबी)लाई फाइल जिम्मा लगाएको छ ।
सीआईबीले समेत अर्याल नेतृत्वमा ४ करोड(हाल करिब २५ करोड) हाराहारी मूल्यको साधारण सेयरमा भएको गडबडीको विषयमा अनुसन्धान सुरु गरेको सीआईबीले जनाएको छ ।
धितोपत्र बोर्डका अनुसन्धान अधिकारीहरुले पछिल्लो समय आईपीओ जारी गरेका कतिपय कम्पनीमा सन नेपालको जस्तै सीइओ र सञ्चालकहरुले आरक्षित सेयर कोटामा गडबडी गरेको हुनसक्ने भन्दै अनुसन्धान सुरु भएको दाबी गरेका छन् ।
यसैबीच, उजुरीकर्ता कर्मचारीहरुले भने सन नेपाल लाइफको आईपीओमा गडबडी पुष्टि भइसकेको अवस्थामा धितोपत्र बोर्डले फाइल सीआईबीलाई दिनुलाई ‘शंकास्पद’ भनेका छन् । उजुरीकर्तामध्येका एक कर्मचारीले बिजशालासँग भने–‘मुद्दालाई कमजोर पार्न सीइओको फ्रड पुष्टि भइसकेको अवस्थामा र पर्याप्त प्रमाण प्राप्त भइसकेको अवस्थामा आफू पन्छिन सीआईबीमा फाइल बुझाउनु शंकास्पद देखेका छौं । हामी खबरदारी गरिरहन्छौं ।’
कम्पनीका कर्मचारीहरुले गलत ढंगले सीइओले लिएको सेयर फिर्ता तथा उनको निलम्बन र थप कडा कारबाहीको माग समेत गरेका छन् ।
सन नेपाल लाइफ इन्स्योरेन्सका सीइओ अर्यालसँग यो प्रकरणको विषयमा प्रतिक्रिया लिन खोज्दा आफू काठमाण्डौबाहिर यात्राको क्रममा रहेको र कुरा गर्न नसक्ने प्रतिक्रिया दिए ।
यो कम्पनीको सञ्चालक समितिको अध्यक्षको रुपमा हाल अनुज कयाल रहेका छन् । सञ्चालकहरुमा किरण केसी, नारायण रुंगटा, सशांक अग्रवाल, स्नेहा शर्मा तथा स्वतन्त्र सञ्चालकमा नितु कयाल रहेका छन् ।
.gif)
.png)
.jpg)
.png)
.jpg)
.gif)
(1).gif)
.gif)
