आज अधिकांश एशियाली सेयर बजारको राम्रो सुरुवात, अमेरिकी बजार पुनः नयाँ उचाईमा

काठमाण्डौ । आज अधिकांश एशियाली सेयर बजारले वृद्धिका साथ कारोबारको थालनी गरेका छन् । आज हङकङको हाङसेङ इन्डेक्स २.३५ प्रतिशतले बढेको छ ।  

यस्तै चीनको सेयर बजार सीएसआई३०० पनि १ प्रतिशतले बढेको छ । चीनको केन्द्रीय बैंकले सात दिने रिभर्स रिपर्चेज रेट १.७ देखि १.५ प्रतिशत कटौती गर्ने निर्णय गरेसँगै चीनको सेयर बजार वृद्धि भएको छ ।  

यस्तै चीनको केन्द्रीय बैंकले लोन प्राइम रेट पनि ०.२ देखि ०.२५ प्रतिशतले कटौती गर्ने घोषणा गरेको छ ।  

आज दक्षिण कोरियाको कोस्पी झिनो अंकले बढ्दा अंकले बढ्दा कोस्डाक भने ०.८५ प्रतिशतले बढेको छ । जापानको निक्की२२५ इन्डेक्स पनि आज ०.६७ प्रतिशतले बढेको छ ।  

अमेरिकी सेयर बजार अल टाइम हाईको उचाईमा पुगेको छ । सोमबारको कारोबारमा एस एण्ड पी५०० ०.२८ प्रतिशतले बढेर ५ हजार ७१८ विन्दुमा पुगेको छ । जुन हालसम्मकै उच्च हो ।  

यस्तै डाउ जोन्स पनि ०.२५ प्रतिशतले बढेर ४२ हजार १२४ विन्दुमा पुगेको छ । जुन हालसम्मकै उच्च हो ।