.gif)
.gif)
.jpg)
.png)
काठमाण्डौ । जीवन बीमा कम्पनीहरुले वैदेशिक रोजगार बीमालेखमार्फत ४९ करोड रुपैयाँ भन्दा बढी प्रिमियम संकलन गरेका छन् । नेपाल बीमा प्राधिकरणका अनुसार १० वटा जीवन बीमा कम्पनीले चालु आवको भदौ मसान्तसम्म ४९ करोड २६ लाख ३६ हजार रुपैयाँ प्रिमियम संकलन गरेका हुन् ।
कम्पनीहरुले आर्जन गरेको यो बीमाशुल्क गत आर्थिक वर्षको तुलनामा ९.९१ प्रतिशतले बढी हो । गत आवको भदौ महिनासम्म उक्त कम्पनीहरुले वैदेशिक रोजगार बीमालेख बिक्री गरेर ४४ करोड ८२ लाख १३ हजार रुपैयाँ बीमाशुल्क भित्र्याएका थिए ।
गत वर्षको तुलनामा अधिकांश कम्पनीको यस्तो व्यवसाय घटेको देखिएको छ । वैदेशिक रोजगार बीमालेख बिक्रीबाट सर्वाधिक व्यवसाय भित्र्याउने सन नेपाल लाइफ लगायत एशियन लाइफ र नेशनल लाइफको यस्तो व्यवसाय उल्लेख्य बढेको देखिएकाले समग्रमा वैदेशिक रोजगार बीमा व्यवसाय बढेको देखिएको हो ।
तर नेपाल लाइफसँगै ७ वटा बीमकको यस्तो व्यवसाय भने ह्वात्तै घटेको देखिएको छ । नेपाल राष्ट्र बैंकका अनुसार चालु आवको साउन महिनासम्ममा वैदेशिक रोजगारीका लागि जाने नेपालीको संख्या घटेकाले अधिकांश बीमा कम्पनीहरुको यस्तो व्यवसाय पनि घट्न पुगेको हो ।
चालु आवको साउन महिनामा अन्तिम श्रम स्वीकृति लिने नेपालीको संख्या ३६ हजार ९२८ रहेको छ । गत आवको सोही अवधिसम्म अन्तिम श्रम स्वीकृति लिने नेपालीको संख्या ३९ हजार १५२ थियो । यसर्थमा पनि भदौ मसान्तसम्म पनि वैदेशिक रोजगारीमा जाने नेपालीको संख्या घट्दा बीमा कम्पनीको यस्तो व्यवसाय घट्न पुगेको अनुमान लगाउन सकिन्छ ।
भदौ मसान्तसम्म सबैभन्दा बढी सन नेपाल लाइफले २३ करोड ९ लाख रुपैयाँ वैदेशिक रोजगार बीमालेखमार्फत प्रिमियम भित्र्याएको छ । त्यस्तै, एशियन लाइफले ८ करोड ५४ लाख रुपैयाँ र नेपाल लाइफले ४ करोड २१ लाख रुपैयाँ वैदेशिक रोजगार बीमालेखमार्फत प्रिमियम भित्र्याएका छन् ।
यसका साथै नेशनल लाइफले ३४ करोड ९९ लाख, सानिमा रिलायन्स लाइफले २ करोड ७६ लाख रुपैयाँ, सुर्यज्योति लाइफले २ करोड ७३ लाख रुपैयाँ, रिलायबल नेपाल लाइफले २ करोड ५ लाख रुपैयाँ, सिटिजन लाइफले १ करोड ३२ लाख रुपैयाँ, आइएमई लाइफले ४८ लाख रुपैयाँ र प्रभु महालक्ष्मी लाइफले जम्मा ५ लाख रुपैयाँ मात्रै यस्तो बीमालेखमार्फत बीमाशुल्क संकलन गरेका छन् ।
गत आवको तुलनामा तीन जीवन बीमा कम्पनीको मात्रै यस्तो व्यवसाय घटेको छ भने बाँकी सबै कम्पनीको घटेको छ । सर्वाधिक एशियन लाइफको २१६।३३ प्रतिशतले वैदेशिक रोजगार बीमा व्यवसाय बढेको छ । गत आवमा २ करोड ७० लाख रुपैयाँ मात्रै प्रिमियम भित्र्याएको यस कम्पनीले चालु आवमा ८ करोड ५४ लाख रुपैयाँ प्रिमियम संकलन गरेको छ ।
त्यस्तै, सन नेपाल लाइफले ११९.८४ प्रतिशत र नेशनल लाइफले पनि १३.५२ प्रतिशतले वैदेशिक रोजगार बीमा व्यवसाय बढाएको छ ।
गत आवको तुलनामा सबैभन्दा बढी यस्तो व्यवसाय घट्नेमा आइएमई लाइफ रहेको छ । कम्पनीको यस्तो व्यवसाय ९२ प्रतिशतले घटेको छ ।
त्यस्तै, नेपाल लाइफको ५६.०८ प्रतिशत, सिटिजन लाइफको ४०।९४ प्रतिशत, रिलायबल नेपाल लाइफको ४०.१० प्रतिशत, सुर्यज्योति लाइफको २६.६६ प्रतिशत, प्रभु महालक्ष्मी लाइफको २६.५५ प्रशित र सानिमा रिलायन्स लाइफको ५.११ प्रतिशतले यस्तो व्यवसाय घटेको छ ।
.png)
.png)
.jpg)
.gif)
(1).gif)
.gif)
