सेक्यूर्ड सेक्युरिटिजले आइतबारदेखि नयाँ टीएमएस सञ्चालनमा ल्याउने

काठमाण्डौ । सेक्यूर्ड सेक्युरिटिज(स्टक ब्रोकर न.३६)ले नयाँ टीएमएस सञ्चालनमा ल्याउने भएको छ । कम्पनीले असोज २० गतेदेखि नयाँ टीएमएस सञ्चालनमा ल्याउने तयारी गरेको हो ।  

यससँगै हालसम्म सञ्चालनमा टीएमएस प्रयोयगमा नरहने कम्पनीले जनाएको छ ।  

कम्पनीमा कारोबार गरिरहेका लगानीकर्ताहरुको आधिकारीक इमेलमा नयाँ टीएमएसको युजरनेम र पासवर्डसम्बन्धी जानकारी प्राप्त हुने कम्पनीले जनाएको छ। कम्पनीले नयाँ टीएमएसमा पहिलेको नेप्सेको टीएमसमा भन्दा केही नयाँ फिचर्सहरु हुने जनाएको छ ।  

यसरी प्राप्त इमेलमा उल्लेख भएको प्रक्रिया अवलम्बन गरी लगानीकर्ताहरुले आफ्नो युजरनेम र पासवर्डस प्राप्त गर्न सक्नेछन् । https://tms.ssl.com.np  र ATrad DGTrade Nepal mobile app प्रयोग गरी कारोवार गर्न सकिने कम्पनीले उल्लेख गरेको छ । नयाँ टीएमएस प्रयोग विधि सम्बन्धि भिडियो तथा युजर म्यानुअल कम्पनीको वेभसाइड राखिएको छ ।

नयाँ टिएमएस सुबिधा डेस्कटप र मोबाइल दुवै भर्सनमा उपलब्ध हुने कम्पनीले जनाएको छ। यस अघि नेप्सेले उपलब्ध गराएको टिएमएसमा भन्दा बढी केही नयाँ फिचरहरू नयाँ टिएमएसमा उपलब्ध हुने बताइएको छ।

नयाँ टीएमससम्बन्धि तालिम लिन इच्छुक लगानीकर्ताहरुलाई कार्यालयमा सम्पर्क गर्न कम्पनीले आग्रह गरेको छ ।