नयाँ टीएमएसमा चाहे अनुसार ‘मार्केट डेप्थ’ हेर्न र ‘टार्गेट सेट’गर्न मिल्ने, यस्ता छन अन्य सुविधा

काठमाण्डौ । नयाँ टीएमएसमा हालको टीएमएसको तुलनामा केही थप सुबिधा प्रदान गरिएको छ । डीजी हबका अनुसार नयाँ टीएमएसमार्फत अब लगानीकर्ताहरुले मार्केट डेप्थमा आफूले चाहेअनुसार नै ‘बाई सेल अर्डर’ हेर्न मिल्ने भएको छ । हालको टीएमएसमा ५ वटा अडर मात्रै हेर्न सकिन्छ ।  

त्यसैगरि, नयाँ टीएमएसमा खरिद बिक्रीको हिसाबकिताब पनि हेर्न मिल्ने व्यवस्था रहेको छ । हालको टीएमएसमा भने यस्तो सुबिधा छैन । जसका लागि ब्रोकरलाई नै सम्पर्क गरेर लेजर पठाउन भन्नु पर्ने हुन्छ । नयाँ टीएमएस आइफोन र एन्ड्रोइड दुवै मोबाइलबाट चल्ने पनि डीजी हबले जानकारी दिएको छ । यसका साथै, वेभ भर्सन र डेक्सटप भर्सन दुवैमा सहज रुपमा चल्ने पनि बताइको छ । 

नयाँ टीएमएसका यस्ता छन् अन्य अन्य अपरेसन विशेषताहरुः

–सेयर बिक्री गर्ने बित्तिकै अरु सेयर खरिद गर्न सकिने, त्यसको लागि ब्रोकरलाई भनि रहनु नपर्ने ।

–आफ्नो लेजर ब्यालेन्सअनुसार रिलय टाइममा कोल्याट्रल पाइने ।

–आफूले चाहे अनुुसार मार्केट डेप्थ हेर्न सकिने ।

–लिंक एण्ड डच फिचर भएको ( रियल टाइममा विभिन्नकम्पनीको मुभमेन्ट हेर्न मिल्ने )

–मल्टि विन्डो फिचर ( धेरै विन्डो एकै पल्ट हेर्न मिल्ने )

–सेयर खरिदबिक्री पछि आफ्नो हिसाब किताब हर्न सकिने, ब्रोकरसँग लेजर मागि रहनु नपर्ने ।

–सिस्टममा नै किनेको सेयरको नाफा÷घाटा हिसाब हेर्न मिल्ने  

–क्लाइन्ट लग इन गरेर अकाउन्टिङ हेर्न मिल्ने

–कुनै सेयरमा किनबेच गर्न लगानीकर्ताले टार्गेट राखेमा सिस्टमले नै अलर्ट गर्ने । जस्तै कुनै लगानीकर्ताले सेयर किन्दा यति प्रतिशत बढेमा बेच्ने र घटेमा किन्ने टार्गेट राखेमा सिस्टमले नै अलर्ट गर्ने सुविधा भएको ।

यसका साथै, हिट् म्याप अर्थात कुन सेयरमा लगानीकर्ताको खरिद तथा बिक्री चाप रहेको भनेर हेर्न पनि मिल्ने डीजी हबले जानकारी दिएको छ ।