भारतको नियामकले गर्यो एउटा स्टक एक्सचेञ्जमा समस्या आउदा अर्कोमा कारोबार गर्न मिल्ने व्यवस्था

काठमाण्डौ । भारतमा सेयर बजारमा प्राविधिक समस्या उत्पन्न भए कारोबारलाई जारी राख्ने सम्बन्धी नयाँ नियम जारी भएको छ । यो नयाँ नियम अप्रिल १ देखि लागू हुने जनाइएको छ ।  

भारतको सेयर बजार नियामक ‘सेक्युरिटी एण्ड एक्सचेञ्ज बोर्ड अफ इण्डिया(सेबी) ’ ले एक सर्कुलर जारी गर्दै दुवै एक्सचेञ्ज,एनएसई र बीएसईलाई एक अर्का कारोबारका लागि विकल्पको रुपमा प्रयोग गर्न निर्देशन दिएको छ । सेबीले प्राविधिक समस्या आएमा मात्रै एक अर्कालाई विकल्पको रुपमा प्रयोग गर्न भनेको छ ।  

नयाँ नियमका अनुसार बम्बे स्टक एक्सचेञ्ज(बीएसई)मा प्राविधिक समस्या आउँदा केवल बीएसईमा सूचीकृत कम्पनीहरु नेशनल स्टक एक्सचेञ्ज(एनएसई)मा कारोबार हुन सक्नेछन् । त्यस्तै एनएसईमा समस्या आउँदा केवल एनएसईमा सूचीकृत कम्पनी बीएसईमा कारोबार हुन सक्नेछन् । सेबीले दुवै स्टक एक्सचेञ्जलाई अबको ६० दिनभित्र ‘स्ट्याण्डर्ड अपरेटिङ प्रोस्युडर(एसओपी)’जारी गर्न निर्देशन समेत दिएको छ ।  

यससँगै अब एनएसईले केवल बीएसईमा सूचीकृत सेयरको रिजर्भ लिस्ट बनाउने छ । यस्तै बीएसईले पनि एनएसईमा सूचीकृत सेयरको रिजर्भ लिस्ट बनाउनेछ ।  

हाई–को रिलेटेड इन्डेक्सलाई पनि ,पोजिशन अफ सेट गरिनेछ । एउटा एक्सचेञ्जमा समस्या आउँदा ७५ मिनेटभित्र अर्को स्टक एक्सचेञ्जलाई सूचना दिइनेछ । एसओपीका माध्यमबाट वैकल्पिक एक्सचेञ्जले समस्याग्रस्त एक्सचेञ्जको सेयर कारोबार सुरु गर्नेछ ।  

यसअघि डिजोजिटरी रिकभरी साइटलाई परीक्षण गर्नका लागि गत सेप्टेम्बर २८ शनिबार अर्थात बिदाको दिन नेशनल स्टक एक्सचेञ्जमा एउटा विशेष परीक्षण कारोबार सेशन गरिएको थियो ।