अमेरिकी सेयर बजार नयाँ उचाईमा, प्राविधिक कम्पनीहरुको सेयरमूल्यमा उछाल

काठमाण्डौ । अमेरिकी सेयर बजार मापक इन्डेक्स,‘नास्डक कम्पोजिट इन्डेक्स’ नयाँ उचाईमा पुगेको छ । नास्डक कम्पोजिट इन्डेक्स पहिलोपटक २० हजार विन्दुमा पुगेको हो ।  

टेक कम्पनीहरुको सेयरमूल्यमा आएको उछाल र ब्याजदरमा हुन सक्ने सम्भावनाका बीच नास्डकले नयाँ उचाई चमुेको छ ।

बुधबारको कारोबारमा अल्फाबेट र टेस्ला जस्ता कम्पनीको सेयरमूल्यले समेत नयाँ उचाई हासिल गरेका छन् । यस्तै अमेजन र मेटाको सेयरमूल्यमा पनि उछाल आएको छ । यी ४ कम्पनीले एकैदिन ४१६ बिलियन डलर बजार पूँजीकरण बढाएका छन् ।  

नास्डक कम्पोजिट १.७७ प्रतिशतले बढेर २ हजार ३४.८९ विन्दुमा पुगेको छ । प्राविधिक कम्पनीहरुको कारोबार हुने नास्डक एन्डेक्स यो वर्ष ३३ प्रतिशतले वृद्धि भईसकेको छ । यो वर्ष एप्पल, एनभिडिया, अल्फाबेटर टेस्ला जस्ता कम्पनीहरुको मूल्य सर्वाधिक वृद्धि भएको छ ।

टेस्लाको मूल्य पछिल्लो कारोबारमा ५ प्रतिशतले बढेर प्रतिकित्ता ४२४ डलर पुगको छ । यस्तै अल्फाबेटको मूल्य पनि ५ प्रतिशतले बढेर १९६ डलर र मेटाको मूल्य २ प्रतिशतले बढेर ६३२ डलर पुगेको छ ।   

हालै सार्वजनिक भएको अमेरिकी अर्थतन्त्रको मुद्रास्फिीति प्रतिवेदनले आगामी साता फेडर।ल रिजर्भले ब्याजदर कटौती गर्ने सम्भावना बढाएको छ । जसका कारण सेयर बजारमा उछाल आएको बताइएको छ ।  

सन् २०२२ मा नास्डक इन्डेक्समा भारी गिरावट आएको थियो । त्यस वर्ष नास्डक इन्डेक्स ३३ प्रतिशतले ओरालो लागेको थियो । तर त्यसयता भने नास्डक इन्डेक्स ९० प्रतिशतले बढिसकेको छ । एआई प्रविधिप्रति लगानीकर्ताको देखिएको उत्साहका कारण सूचकमा भारी सुधार आएको छ ।  

सन् २०२२ यता एनभिडियाको सेयरमूल्य ११ सय प्रतिशत,ले वृद्धि भएको छ ।