लाभांश पारित गर्न कृषि विकास बैंकले डाक्यो एजीएम, बुक क्लोज कहिले ?

काठमाण्डौ । कृषि विकास बैंकको लाभांश आगामी पुस २९ गते आयोजना हुने बैंकको साधारण सभाबाट पारित हुने भएको छ । बैंकको पुस ७ गते बसेको सञ्चालक समितिको बैठकले यस्तो निर्णय गरेको हो ।  

बैंकको १८ औं साधारण सभा भक्तपुरको बोडेमा रहेको बैंकको केन्द्रीय तालिम प्रतिष्ठानमा बिहान ११ बजेदेखि सुरु हुनेछ । उक्त सभामा गत आवका लागि सेयरधनीहरुलाई घोषणा गरिएको ३ प्रतिशत बोनस सेयर र ७.५३ प्रतिशत नगद गरी कुल १०.५३ प्रतिशत लाभांशको प्रस्ताव पारित गरिनेछ ।

यस्तै सभाले नेपाल सरकारको हाल कायम भएको फिर्ता नहुने अग्राधिकार सेयर पूँजीमा समेत वार्षिक ६ प्रतिशत नगद लाभांश प्रदान गर्ने निर्णय अनुमोदन हुनेछ ।  

यसैगरी सभामा गत आवको वार्षिक प्रतिवेदनमाथ छलफल गरी पारित गर्ने, लेखापरीक्षकको प्रतिवेदनसहित गत आवको वासलात,नाफा नोक्सान हिसाब तथा नगद प्रवाह विवरणलगायतका अनूसूचीहरु पारित गर्ने र चालु आवका लागि लेखापरीक्ष नियुक्ती गर्ने प्रस्ताव पारित गरिनेछ ।  

साधारण सभा तथा लाभँंश वितरण प्रयोजनका लागि बैंकले पुस १६ गते एक दिनका लागि बुक क्लोज गर्ने निर्णय गरेको छ । यसर्थ पुस १५ गतेसम्म नेप्सेमा कारोबार भई कायम भएका सेयरधनीहरुमात्रै लाभांश पाउन र सभामा सहभागी हुन सक्नेछन् ।