यी ७ कम्पनीको सेयरमूल्य समायोजन, प्रतिकित्ता कति ?

काठमाण्डौ । नेपाल स्टक एक्सचेञ्ज(नेप्से)मा सूचीकृत ७ वटा कम्पनीको सेयरमूल्य समायोजन भएको छ । यी कम्पनीले आफ्ना सेयरधनीहरुलाई प्रस्ताव गरेको बोनस सेयरका लागि सेयरमूल्य समायोजन भएको हो ।  

नेप्सेमा हिमालयन डिष्टिलरी, मेरो माइक्रोफाइनान्स, कालिका लघुवित्त, कालिका पावर, सूर्योदय वोमी लघुवित्त,श्री इन्भेष्टमेन्ट एण्ड फाइनान्स र लुम्बिनी विकास बैंककोको सेयरमूल्य समायोजन भएको हो ।  

हिमालयन डिष्टिलरीले गत आवका लागि सेयरधनीहरुलाई प्रस्ताव गरेको १५ प्रतिशत बोनस सेयरका लागि सेयरमूल्य समायोजन भएको छ। समायोजनपश्चात कम्पनीको सेयरमूल्य प्रतिकित्ता १ हजार १८३.४८ रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता १ हजार ३६१ रुपैयाँ कायम थियो ।  

यस्तै मेरो माइक्रोफाइनान्सले घोषणा गरेको ७.५० प्रतिशत बोनस सेयरका लागि सेयरमूल्य समायोजन हुँदै प्रतिकित्ता ६८०.९३ रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता ७३२ रुपैयाँ थियो ।  

कालिका लघुवित्तको पनि सेयरमूल्य समायोजन हुँदै प्रतिकित्ता १००४.५७ रुपैयाँ कायम भएको छ । संस्थाले गत आवका लागि सेयरधनीहरुलाई ९.५ प्रतिशत बोनस सेयर प्रस्ताव गरेको छ ।  

यस्तै समायोजनपश्चात कालिका पावरको सेयरमूल्य प्रतिकित्ता ५०३.७४ रुपैयाँ कायम भएको छ । कम्पनीले गत आवका लागि ७ प्रतिशत बोनस सेयर प्रस्ताव गरेको छ ।  

सूर्योदय वोमी लघुवित्तले घोषणा गरेको ६ प्रतिशत बोनस सेयरका लागि सेयरमूल्य समायोजन भएको छ । समायोजनपश्चात संस्थाको सेयरमूल्य प्रतिकित्ता ७१४.४३ रुपैयाँ निर्धारण भएको छ । यस्तै श्री इन्भेष्टमेन्ट एण्ड फाइनान्सले आव २०८०÷८१ सम्मको मुनाफाबाट प्रस्ताव गरेको १.८६९५ प्रतिशत बोनस सेयरका लागि समेत सेयरमूल्य समायोजन भएको छ । नेप्सेमा भएको समायोजनपश्चात कम्पनीको सेयरमूल्य प्रतिकित्ता ५५४.६५ रुपैयाँ कायम भएको छ ।  

यसैगरी लुम्बिनी विकास बैंकको ३ प्रतिशत बोनस सेयरका लागि सेयरमूल्य समायोजन हुँदै प्रतिकित्ता ४६६.०२ रुपैयाँ कायम भएको छ ।