नेपाल लाइफ क्यापिटलको साधारण सभा सम्पन्न, अध्यक्षमा लामिछाने

काठमाण्डौ । नेपाल लाइफ क्यापिटल लिमिटेडको ११ औं वार्षिक साधारण सभा सम्पन्न भएको छ । कम्पनीको उक्त सभा पुस १९ गते काठमाण्डौमा सम्पन्न भएको हो ।  

उक्त साधारण सभाबाट आव २०८०/८१ को लेखापरीक्षकको वार्षिक प्रतिवेदन पारित, आव २०८१/८२ को लागि लेखापरीक्षकको नियुक्ती तथा नयाँ सञ्चालक समिति चयन भएको छ । सञ्चालक समितिमा संस्थापक सेयरधनीहरुको तर्फबाट प्रतिनिधित्व गर्ने सञ्चालक समिति सदस्यमा कृष्णराज लामिछाने, सुरेश कुमार अग्रवाल, अमितकुमार कयाल र प्रेम प्रसाद रेग्मी निर्विरोध चयन भएका छन् ।  

साथै,वार्षिक साधारण सभा पश्चात् बसेको कम्पनीको संचालक समितिको ११० औं बैठकले कृष्णराज लामिछानेलाई सर्वसम्मतिले सञ्चालक समितिको अध्यक्ष चयन गरेको छ ।