आम्दानी बढेसँगै मकर जितुमाया सुरीको नाफा ३४०.६२% ले वृद्धि

काठमाण्डौ । मकर जितुमाया सुरी हाईड्रोपावर लिमिटेडले चालु आवको दोस्रो त्रैमाससम्म ७ करोड ५९ लाख रुपैयाँ खुद नाफा आर्जन गरेको छ । जुन अघिल्लो आवको सोही अवधिको तुलनामा ३४०.६२ प्रतिशतले बढी हो । अघिल्लो आवको दोस्रो त्रैमाससम्म कम्पनीले १ करोड ७२ लाख खुद नाफा आर्जन गरेको थियो ।  

कम्पनीले समीक्षा अवधिसम्म विद्युत बिक्रीमार्फत २४ करोड ५२ लाख रुपैयाँ आम्दानी गरेको छ । यो रकम अघिल्लो आवको तुलनामा ९३.२६ प्रतिशतले बढी हो । अघिल्लो आवमा भने कम्पनीले विद्युत बिक्रीमार्फत १२ करोड ६९ लाख रुपैयाँ कमाएको थियो ।    

यो अवधिमा कम्पनीको कर्मचारी खर्च १ करेड ३ लाख,प्रशासनिक तथा अन्य सञ्चालन खर्च १ करोड १५ लाख र वित्त खर्च ९ करोड १९ लाख रुपैयाँ रहेको छ ।  

कम्पनीको रिटेन्ड अर्निङको आकार ६ करोड २० लाख रुपैयाँ रहेको छ । अघिल्लो आवमा यसको आकार ३ करोड २९ लाख रुपैयाँले ऋणात्मक अवस्थामा थियो । कम्पनीको कुल चालु सम्पत्ति १५ करोड १ लाख र कुल चालु दायित्व २८ लाख ७० हजार रुपेयाँ छ । कम्पनीको चुक्तापुँजी ७६ करोड रुपैयाँबराबरको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस) १९.९७ रुपैयाँ ,प्रतिसेयर नेटवर्थ १०८.१७ रुपैयाँ र रिर्टन अन इक्विटी ९.३५ प्रतिशत कायम भएको छ ।