.gif)
_(1).gif)
.png)
काठमाण्डौ । युनाइटेड मोदी हाईड्रोपावर लिमिटेडले हकप्रद सेयर निष्कासन गर्ने भएको छ । कम्पनीले हाल कायम चुक्तापूँजी १ अर्ब २३ करोड ५ लाख रुपैयाँको १ः१ अनुपात(शतप्रतिशत)मा १ करोड २३ लाख ५ हजार कित्ता हकप्रद जारी गर्न लागेको हो ।
कम्पनीले गत हकप्रद निष्कासनका लागि विद्युत नियमन आयोगबाट गत माघ २२ गते अनुमति पाएको थियो । कम्पनीले साधारण सभाबाट पारित गरी यो हकप्रद निष्कासन गर्ने तयारी गरेको छ ।
कम्पनीको सेयर लगानी रहेको युनाइटेड मेवाखोला हाईड्रोपावरद्वारा प्रवद्धित ५० मेगावाटको मेवाखोला जलविद्युत आयोजनामा लगानी गर्नका लागि कम्पनीले हकप्रद निष्कासन गर्न लागेको हो ।
(1).gif)
यसका लागि कम्पनीको फागुन १३ गते बसेको सञ्चालक समितिको बैठकले आगामी चैत २९ गतेका लागि कम्पनीको १० औं वार्षिक साधारण सभा डाकेको छ । उक्त सभामा कम्पनीको हकप्रद निष्कासनको विशेष प्रस्ताव पारित गरिनुका साथै हकप्रद निष्कासनका लागि कम्पनीको अधिकृत पूँजी र जारी पूँजी वृद्धि गर्ने प्रस्ताव पारित गरिनेछ ।
यस्तै सभामा सञ्चालक समितिका तर्फबाट अध्यक्षद्वारा प्रस्तुत हुने गत आवको वार्षिक प्रतिवेदनमाथि छलफल गरी पारित गरिनुका साथै सो अवधकिो वित्तीय विवरणहरु पारित गरी चालु आवका लागि लेखापरीक्षकको नियुक्ती तथा पारिश्रमिक निर्धारण गर्ने प्रस्ताव पारित गरिनेछ ।
सभामा ४ जना सञ्चालकको निर्वाचन गर्ने प्रस्ताव र अन्य लगानीयोग्य क्षेत्र पहिचान गरी लगानी गर्नुपरेमा सञ्चालक समितिलाई अख्तियारी प्रदान गरिनेछ ।
कम्पनीले साधार्ण सभा प्रयोजनका लागि आगामी चैत ७ गते एक दिनका लागि बुक क्लोज गर्ने निर्णय गरेको छ ।
.png)
.jpg)
.png)
.gif)
(1).gif)
.gif)
