आरएसआई ओभर सोल्ड जोनमा पुगेको बजारमा कतिमा छ अबको सपोर्ट ?

काठमाण्डौ । साताको पहिलो दिन सेयर बजार दिनभर घटेर कारोबार भयो । आज बजार घट्दा कारोबार भने बढेको छ । आजको बजारलाई बोलिङ्गर ब्याण्डबाट नियाल्दा तल्लो ब्याण्डसम्म आईपुगको छ । म्याक्डीमा यसअघि नै बियरिस क्रसओभर बनेको छ भने आरएसआई आज ३० को तह अर्थात ओभर सोल्ड जोन नजिक पुगेको छ ।  

घट्दो बजारमा यस्तो विन्दु ३० भन्दा तल पनि जान सक्छ । तर यो विन्दुमा ‘डब्लू’ आकार तथा रिभर्सलका कुनै पनि क्याण्डल बनेको खण्डमा बजारले ‘यु र्टन’ लिन पनि सक्छ । हालसम्मको बजारमा अहिले नै रिभर्सलको कुनै पनि संकेत भने देखिएका छैन ।  

बजारलाई इलिअट वेभबाट हेर्दा हाल १३ दिनसम्मको करेक्सनमा वेभ ‘ए ’ र अब ‘बी ’वेभमा बजारले माथिको यात्रा तय गर्न सक्ने सम्भावना रहन्छ । प्राइस एक्सन लगायत अन्य इन्डिेकेटरबाट नियाल्दा भने बजार बियरिस यात्रामा चलेको छ । प्राइस एक्सनमा बजारले आज नयाँ लोअर लो बनाएको छ । मनी फ्लो इन्डेक्समा भने बजार २० भन्दा तल पुगेको छ ।  

बजारलाई आरएसआईबाट र मनी फ्लो इन्डेक्सबाट नियाल्दा विगतमा आरएसआई ३० भन्दा तल र मनी फ्लो इन्डेक्स २० भन्दा तल आएपछि बजारले रिभर्सल लिएको देखिन्छ । पिभट् मार्फत नियाल्दा आज दोस्रो सपोर्ट भत्काएको बजारको अबको तेस्रो सपोर्ट २५७० देखि २५८० मा हुनसक्छ । जसका कारण रिभर्सलको सम्भावना अधिक रहन्छ ।  यदि बजार बढेमा भने २६९१ , २७१७ र २७६५ विन्दुमा क्रमश प्रतिरोध सामाना गर्न सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।