बीमा प्राधिकरणका अध्यक्ष ओझाको नियुक्तिमा कारण देखाउ आदेश

काठमाण्डौ । नेपाल बीमा प्राधिकरणका अध्यक्ष शरद ओझाको नियुक्तिविरुद्ध कारण देखाउ आदेश जारी भएको छ ।  

प्राधिकरणको अध्यक्षका लागि तोकिएको योग्यता अपुग भएका कारण ओझाविरुद्ध सर्वोच्च अदालतमा रिट दायर भएको थियो । सर्वोच्चका न्यायधीश नहकुल सुवेदीले एकल इजलास मुद्दामा एक महिनाको समय दिएर कारण देखाउ आदेश दिएको हो । 

रिटमा प्रधानमन्त्री तथा मन्त्रीपरिषद्को कार्यालय, अर्थ मन्त्रालय, नेपाल बीमा प्राधिकरण सञ्चालक समितिको अध्यक्ष पदमा नियुक्तिको लागि गठित सिफारिस समिति र प्राधिकरणका अध्यक्षलाई विपक्षी बनाइएको छ ।  

चैत १७ गते अधिवक्ता इन्दिरा धमलाले रिट दायर गरेकी थिइन् । अध्यक्ष ओझाले नेपाल सरकार मन्त्रिपरिषदमा झुठो विवरण पेश गरी अध्यक्ष नियुक्ती भई गैरकानूनी रुपमा कार्य गरेको भन्दै उनीविरुद्ध रिट दर्ता भएको हो ।  

रिटमा माग गरिएको अन्तरिम आदेश भने सर्वोच्च अदालतले दिएन । अन्तरिम आदेशका लागि अर्को छलफल हुनेछ ।