ट्रेड टावरको आईपीओले कति पाउँला ओपनिङ रेञ्ज ?

काठमाण्डौ । ट्रेड टावरको आईपीओ बाँडफाँड सम्पन्न भइसकेको छ । कम्पनीको आईपीओ होटल क्रिष्टल, गौशाला काठमाण्डौमा आज बाँडफाँड भएको हो ।

कुल ३ लाख २९ हजार ६५० आवेदकले १० कित्ताका दरले कम्पनीको सेयर प्राप्त गरेका छन् । आईपीओ पाउने लगानीकर्तामा यतिबेला कम्पनीको आइपीओ कति ओपनिङ रेञ्ज पाउला भन्ने कौतुहलता बढेको छ ।

ट्रेड टावरको आइपीओ पहिलो कारोबारको लागि १२३.०९ रुपैयाँदेखि अधिकतम ३६९.२७ रुपैयाँसम्म ओपनिङ रेञ्ज पाउने देखिएको छ । नेप्सेले जुनसुकै कम्पनीको पहिलो कारोबारको लागि उक्त कम्पनीको वास्तविक प्रतिसेयर नेटवर्थको आधारम तीनगुणासम्म ओपनिङ रेञ्ज तोक्ने गर्दछ ।

कम्पनीको आव २०८०/८१ को वाास्तविक प्रतिसेयर नेटवर्थ १२३.०९ रुपैयाँ रहेको छ ।