सरकारी विद्यालयमा अध्यनरत विद्यार्थीहरुका लागि बीमाको व्यवस्था गरिने

काठमाण्डौ। नेपाल बीमा प्राधिकरणले सरकारी विद्यालयमा अध्यनरत विर्थीहरुका लागि बीमाको व्यवस्था मिलाउने भएको छ । प्राधिकरणले पहिलोपटक प्रकाशित गरेको आव २०८२/८३ को वार्षिक बीमा नीति कार्यक्रममा यस्तो व्यवस्था गरिएको हो ।

साथै, बीमा सचेतना अभिवृद्धिका लागि आवश्यक अध्यन अनुसन्धान तथा कार्यक्रम समेत सञ्चालन गर्ने विषय नीति तथा कार्यक्रममा समेटिएको छ । यसैगरी प्राधिकरणले विद्यालय तथा उच्च शिक्षाको पाठ्यक्रममा समेत बीमासम्बन्धी विषय समावेश गर्ने भएको छ ।

नीति तथा कार्यक्रममा लघुबीमा, कृषि बीमालाई प्राथमिकतामा राख्दै दुर्गम तथा भौगोलिक रुपमा विकट क्षेत्रमा सचेतना मार्फत बीमाको पहुँच वृद्धि गर्ने नीति समेत अबलम्बन गरिने भएको छ ।