.gif)
(1).gif)
(2).gif)
.jpg)
.gif)
.png)
काठमाण्डौ । नेपाल एसबीआई बैंक लिमिटेडको इम्पेयरमेन्ट चार्ज बढ्दा नाफामा गिरावट आएको छ । बै.कले सार्वजसिनक गरेको गत आवको चौथो त्रैमाससम्मको अपरिष्कृत वित्तीय विवरणअनुसार बैंकले १ अर्ब ८० करोड रुपैयाँ खुद नाफा आर्जन गरेको छ । यो रकम अघिल्लो आवको तुलनामा ९.८६ प्रतिशतले कम हो । अघिल्लो आवमा भने बैंकले १ अर्ब ९९ करोड रुपैयाँबराबरको खुद नाफा आर्जन गरेको थियो ।
यो अवधिमा बैंकको खुद ब्याज आम्दानी भने बढेको छ । अघिल्लो आवमा ५ अर्ब ७ करोड रुपैयाँबराबरको खुद ब्याज आम्दानी गरेको बैंकले समीक्षा अवधिसम्म भने ५ अर्ब २६ करोड रुपैयाँ आर्जन गरेको छ । बैंकको खुद शुल्क तथा कमिशन आम्दानी भने १ अर्ब ३० करोड रुपैयाँबाट घटेर १ अर्ब २१ करोड रुपैयाँमा सीमित बनेको छ ।
बैंकको खुद सञ्चालन आम्दानी ५ अर्ब ७५ करोड र सञ्चालन मुनाफा २ अर्ब ७३ करोड रुपैयाँ रहेको छ । चौथो त्रैमाससम्म बैंकले निक्षेप संकलन १३.७२ प्रतिशतले बढ्दै १ खर्ब ९९ अर्ब पुगेको छ । कर्जा प्रवाह पनि ७.१३ प्रतिशतले बढेर १ खर्ब ३४ अर्ब पुगेको छ ।
समीक्षा अवधिसम्म बैंकको वितरणयोग्य मुनाफा १ अर्ब १० करोड रुपैयाँबाट बढेर १ अर्ब २३ करोड रुपैयाँ पुगेको छ । लाभांश क्षमता समेत १०.४९ प्रतिशतबाट बढेर ११.२९ प्रतिशत पुगेको छ । यस्तै खराब कर्जा अनुपात पनि १.९६ प्रतिशतबाट बढेर ३.३५ प्रतिशत पुगेको छ । खराब कर्जा अनुपात बढेसँगै बैंकले इम्पेयरमेन्ट चार्ज ६४ करोड ८३ लाखबाट बढाएर १ अर्ब २ करोड पुर्याएको छ ।
समीक्षा अवधिसम्म बैंकको प्रतिसेयर आम्दानी १८.३५ रुपैयाँबाट घटेर १६.५४ रुपैयाँमा सीमित बनेको छ । यस्तै बैंकको प्रतिसेयर नेटवर्थ १८८.५९ रुपैयाँ, प्रतिसेयर कुल सम्पत्तिको मूल्य २ हजार १३५.५६ रुपैयाँ, पीई रेसियो २६.६० गुणा र तरलता अनुपात ३७.३२ गुणा कायम भएको छ ।
(2).gif)
.gif)
.png)
.png)
.png)
