(1).gif)
(2).gif)
.png)
काठमाण्डौ । जेनजी पुस्ताबीच आदर्शका पात्र बनेका दुई लोकप्रिय व्यक्तिबीच तिक्तता बढेको देखिएको छ ।
काठमाण्डौ महानगरपालिकाका मेयर बालेन्द्र साह९बालेन शाह र धरान उपमहानगरपालिकाका मेयर हर्क साम्पाङबीच तिक्तता सुरु भएको हो ।
.gif)
हुन त बिहीबार सेनाको जंगीअड्डा अगाडि भेला भएका युवाहरुबीच पनि एकअर्कालाइ हर्क र बालेन समूहभन्दै कुटाकुट भएको थियो । हर्क पक्षधरले बालेनको नाम किन लिएको भन्दै केही जेनजी र युवालाई कुटपिट गरेको थियो । यससँग सम्बन्धित भिडियो यसअघि नै सार्वजनिक भइसकेको छ ।
कार्यकर्ता र शुभेच्छुकको स्तरमा देखिएको फाटोको आगो मुख्य व्यक्तिसम्म नै सल्किएको देखिएको हो ।
हर्क साम्पाङले चारघण्टा अगाडि सामाजिक सञ्जालमा एउटा पोस्ट हाल्दै बालेनकै कारण आफ्नो बाटो छेकिएको आशयको अभिव्यक्ति सार्वजनिक गरेका हुन् ।
उनले बालेनलाई संकटको बेलामा लुक्ने, सडकमा आउन नसक्ने ‘डरपोक’को संज्ञा समेत दिएका छन् । उनले बालेनजस्ता मान्छेलाई नेतृत्व मानिरहेकै कारण देशले निकास र विकास नपाएकोसम्मको आरोप समेत लगाउन भ्याएका छन् ।
‘संकटको बेलामा लुक्ने, सडकमा आउन नसक्ने डरपोक, आफूलाई जिम्मा लगाएको अभिमत अरुलाई दिइपठाउने, असहज परिस्थितिको सामना गर्न नसक्ने, अरुले काँधमा बोकिदिवोस् भन्ने किसिमको मान्छेलाई नेतृत्व मानिरहेकै कारण देशले न निकास पायो न बिकास !’ हर्कले लेखेका छन् ।
जेनजी आन्दोलनबाट सत्ता घूँडा टेकेपछि अहिले अन्तरिम सरकार गठनको प्रयास भइरहेको छ । यो क्रममा आन्दोलनरत जेनजीहरुले अन्तरिम सरकारको नेतृत्व बालेन शाहले गर्नुपर्ने आवाज उठाइरहेका छन् । तर, बालेनले भने आफूमा आएको अभिमत पूर्व प्रधानन्यायाधीश सुशीला कार्कीलाई सार्दै अन्तरिम सरकार प्रमुखको रुपमा उनलाई नै समर्थन गर्ने सार्वजनिक घोषणा हिजो साँझ गरेका थिए । हर्कले यही प्रवृतिको आलोचना गरेका हुन् ।
जेनजी आन्दोलनअघिसम्म हर्क र बालेनबीच सौहाद्रपूर्ण मित्रता थियो । दुवै एकअर्काको प्रशंसा गर्ने गर्थे । तर जेनजी आन्दोलनपछि उत्पन्न परिस्थितिका कारण सरकारको नेतृत्व लिनेसम्मको अवसरलाई लिएर दुवैबीच फाटो उत्पन्न भएको स्पष्ट रुपमा देखिएको छ ।
जेनजी पुस्ताहरुले आदर्श मानेका दुई युवा नेताबीच नै फाटो आएपछि यसले तल्लो स्तरसम्म फूट ल्याउनसक्ने र यसकै कारण जेनजी अभियान कमजोर बन्नसक्ने भन्दै धेरैले बालेन र हर्कलाइ मिलेर अगाडि बढ्न सुझाव दिएका छन् ।
.png)
.jpg)
