(1).gif)
(2).gif)
.jpg)
.gif)
.png)
काठमाण्डौ । टोयोटाले जापानमा आफ्नो इलेक्ट्रिक शटल ई–प्यालेट लन्च गरेको छ । जसको मूल्य २९ मिलियन येन रहेको छ। कम्पनीले यसमा चाँडै नै लेभल ४ अटोमेटेड ड्राइभिङ (चालकविना चल्ने क्षमता) ल्याउने योजना बनाएको छ ।
हाल, यो शटलमा केवल स्तर २ स्वचालित ड्राइभिङ प्रदान गरिएको छ। यद्यपि, टोयोटाले थप उन्नत प्रणाली निर्माण गरिरहेको छ, जसले यसलाई पूर्णतया चालकविना चल्न दिनेछ। कम्पनीले डिलर, नगरपालिका र स्वचालित ड्राइभिङ पार्टनरहरूसँगको सहकार्यमा यसको परीक्षण गर्नेछ।तिनीहरूको उद्देश्य अप्रिल २०२६ देखि मार्च २०२७ सम्म स्वचालित ड्राइभिङ क्षमता बजारमा ल्याउने हो।
ई–प्यालेट एक विशेष प्रकारको गाडी हो, जुन मुख्यतया मानिसहरूलाई एक ठाउँबाट अर्को ठाउँमा लैजानको लागि डिजाइन गरिएको हुन्छ। विद्युतीय भएकाले यसले प्रदुषण गर्दैन र त्यसैले वातावरणमैत्री हुन्छ । यसमा १ चालक र ४ सिट यात्रु र १७ जना उभिने यात्रुहरू समावेश गरी कुल १७ जना बस्ने क्षमता छ।
.gif)
ई–प्यालेट ४९५० मिमी लम्बाइ, २०८० मिमी चौडाइ र २६५० मिमी उचाइ मापन गर्ने ठूलो विद्युतीय सवारी साधन हो। यसको डिजाइन वर्गाकार आकारको छ। यस कारण यसमा अधिकतम ठाउँ प्रयोग गरिएको छ।
यसमा २८८५ मिमि लम्बाई १७८० चौडाई मिमि र २१३५ मिमि उचाई भएको क्याबिन प्रयोग गरिएको छ। यसको भुइँ मात्र ३७० एमएम अग्लो छ, जसलाई २७० एमएमले घटाउन सकिन्छ। यसको ठूला ढोकाहरू १९०० मिमी अग्लो र १२८० मिमी चौडाइले मानिसहरूलाई भित्र र बाहिर जान धेरै सजिलो बनाउँदछ ।
टोयोटाको यो ई–प्यालेट शटलमा एसी सिङ्क्रोनस मोटर छ, जसले १५० किलोवाट (२०१ एचपी) र २६६ एनएम टर्क दिन्छ। यसमा ७२.८२ किलोवाट आवरको ब्याट्री प्याक छ। कम्पनीले ब्याट्री बिक्रीको बारेमा जानकारी दिएको छैन। तर ९० किलोवाटको डीसी चार्जरबाट ४० मिनेटमा ८० प्रतिशतसम्म चार्ज गर्न सकिने बताइएको छ । जापानको डब्ल्यूएलटीसी विधि अनुसार यो विद्युतीय शटल एक पटक पूर्ण चार्ज भएपछि २५० किलोमिटरसम्म चल्न सक्छ र यसको टप स्पीड ८० किमी प्रतिघण्टा छ।
जापानको वातावरण मन्त्रालयको कमर्सियल भेहिकल इलेक्ट्रिफिकेशन प्रवर्द्धन परियोजना अन्तर्गत ई–प्यालेटले १५.८३५ मिलियन येन अनुदान प्राप्त गर्न सक्नेछ । यसले यसको मूल्य १३.१६५ मिलियन येन पुग्छ।
.png)
.jpg)
.jpg)
.jpg)
.jpg)
