.gif)
(1).gif)
.jpg)
_(1).gif)
.png)
काठमाण्डौ । एशियाका सर्वाधिक धनाढ्य मुकेश अम्बानीको परिवार लक्जरी कारहरुको कलेक्सनका लागि परिचित छ । मुकेश अम्बानीका दम्पत्ति र उनका छोराबुहारी र हुनेवाला बुहारी राधिका मर्चेन्ट मुम्बईदेखि लिएर जामनगरसम्म विभिन्न लक्जरी कारमा ओहोर–दोहोर गर्छन ।
यस्तोमा गत महिना सम्पन्न अनन्त अम्बानी र राधिका मर्चेन्टको प्रि–वेईडिङ समारोहमा अम्बानी परिवारले ३ वटा लक्जरी कार खरिद गरेको थियो । यी कारहरुमध्ये एउटामा भारतीय अभिनेता शाहरुख खान देखिएका थिए ।
अम्बानी परिवारको ग्यारेजमा हालै एउटा नयाँलक्जरी सुपरकार थपिएको छ । जसको नाम फेरारी पुरोसांग्वे हो । फेरारीको यो एसयुभीको मूल्य १० करोड भारुभन्दा बढी छ । फेरारी पुरोसांग्वेमा ६.५ लिटरको नेचुरल्ली एस्पिरेटेड भी१२ इन्जिन छ । जसले ७१५ बीएचपीको अधिकतम पावर र ७१६ न्यूटन मीटरको पिक टार्क जेनेरेट गर्छ । ८–स्पिट डुअल क्लच ट्रान्समिशनबाट सु–सज्जित यो लक्जरी एसयुभीलाई केवल ३.३ सेकेण्डमा शुन्यदेखि १०० केएमपीएचको गतिमा चलाउन सकिन्छ । यसको उच्च गति ३१० केएमपीएच रहेको छ ।
मुकेश अम्बानीको परिवारमा भएको अर्को कार हो बेन्टले बेन्टाग्गा । बेन्टलेले सन् २०२२ मा नयाँ बेन्टाग्गा कार लञ्च गरेको थियो । यसको मूल्य ७ करोड भारु भन्दा धेरै छ । अम्बानी परिवारले हालै मात्रै यो कार खरिद गरेको हो । यो कारमा सलमान खान पनि देखिएका थिए ।
यो कारमा ४ लिटरको भी८ ट्विन टर्बो इन्जिन दिइएको छ । जसले ५४२ एचपीको अधिकतम पावर र ७७० न्यूटन मीटरको पिक टार्क जेनेरेट गर्छ । ८–स्पीड अटोमेटिक ट्रान्समिशनबाट सु–सज्जित यो कार केवल ४.५ सेकेण्डमा शुन्य देखि १०० किलोमिटर प्रति घण्टासम्मको गति लिन सक्छ ।
यस्तै अम्बानी परिवारसँग भएको अर्को कार हो,ल्याण्ड रोभर रेञ्ज रोभर अटोबायोग्राफि । अम्बानी परिवारले हालै मात्रै यो कार खरिद गरेको हो । जसको मूल्य ५ करोड भारुभन्दा बढी पर्छ । यो कारमा विशेष गरेर मुकेश अम्बानीका छोरा आकाश अम्बानी देखिने गर्छन । यो कारमा ४.४ लिटरको पावरफुल इन्जिन रहेको छ । जसले ५२३ एचपीको अधिकतम पावर र ७५० न्यूटन मीटरको पिक टार्क जेनेरेट गर्छ । अफ–रोड क्षमताका सु–सज्जित यो कारले केवल ४.६ सेकेण्डमा शुन्यदेखि १०० किलोमिटर प्रति घण्टासम्मको गति लिन सक्छ । -एजेन्सी
.gif)
.png)
.gif)
.gif)
