.gif)
_(1).gif)
.png)
काठमाण्डौ । निर्जीवन बीमा कम्पनीहरुले चालु आर्थिक वर्षको ८ महिनासम्ममा २६ अर्ब भन्दा बढी प्रिमियम संकलन गरेका छन् । नेपाल बीमा प्राधिकरणका अनुसार १४ निर्जीवन बीमा कम्पनीले फागुन मसान्तसम्म २६ अर्ब १६ करोड ५० लाख रुपैयाँ बीमा शुल्क आर्जन गरेका छन् ।
निर्जीवन बीमकहरुको यो व्यवसाय गत आवको यसै अवधिसम्मको तुलनामा १.१३ प्रतिशतले बढी हो । गत आवको यस अवधिसम्म निर्जीवन बीमा कम्पनीहरुले २५ अर्ब ८७ करोड ३३ लाख रुपैयाँ प्रिमियम कलेक्सन गरेका थिए ।
यस अवधिसम्म सबैभन्दा बढी बीमा शुल्क आर्जन गर्नेमा शिखर इन्स्योरेन्स रहेको छ । कम्पनीले फागुन मसान्तसम्म ३ अर्ब ७१ करोड ८७ लाख रुपैयाँ बीमा शुल्क आर्जन गरेर सर्वाधिक व्यवसाय गर्ने कम्पनी बनेको छ ।
शिखर एक्लैले कुल व्यववसायको १४.२१ प्रतिशत व्यवसाय भित्र्याएको छ । मर्जरमा गएका कम्पनीलाई पछि पार्दै शिखर इन्स्योरेन्सले सर्वाधिक बीमा शुल्क आर्जन गरी पहिलो स्थान कायम गर्न सफल भएको छ ।
त्यस्तै दोस्रो बढी प्रिमियम भित्र्याउनेमा सगरमाथा लुम्बिनी इन्स्योरेन्स रहेको छ । कम्पनीले ३ अर्ब ४ करोड रुपैयाँ बीमा शुल्क आर्जन गरी दोस्रो स्थान कायम गर्न सफल भएको छ । यसका साथै सिद्धार्थ प्रिमियमर इन्स्योरेन्सले पनि २ अर्ब ५६ करोड रुपैयाँ प्रिमियम संकलन गरी तेस्रो बढी व्यवसाय भित्र्याउने कम्पनी बन्न सफल भएको छ ।
(1).gif)
त्यस्तै, आइजीआई प्रुडेन्सियल इन्स्योरेन्सले २ अर्ब ३० करोड, नेको इन्स्योरेन्सले २ अर्ब ११ करोड, हिमालयन एभरेष्ट इन्स्योरेन्सले २ अर्ब ८ करोड, युनाइटेड अजोड इन्स्योरेन्सले १ अर्ब ७४ करोड, एनएलजी इन्स्योरेन्सले १ अर्ब ६२ करोड, सानिमा जिआइसी इन्स्योरेन्सले १ अर्ब ५६ करोड, राष्ट्रिय बीमा कम्पनीले १ अर्ब २६ करोड, प्रभु इन्स्योरेन्सले १ अर्ब २० करोड, द ओरियण्टल इन्स्योरेन्सले १ अर्ब १८ करोड, नेपाल इन्स्योरेन्सले ९९ करोड रुपैयाँ र नेशनल इन्स्योरेन्सले ७६ करोड रुपैयाँ प्रिमियम कलेक्सन गरेका छन् ।
५ वटा कम्पनीको व्यवसाय खस्कियो
१४ निर्जीवन बीमा कम्पनीमध्ये ५ वटा कम्पनीको व्यवसाय गत आवको तुलनामा खस्किएको छ । सर्वाधिक व्यवसाय घट्नेमा सरकारी स्वामित्वमा रहेको आरबीसीएल रहेको छ । कम्पनीको व्यवसाय ३०।२६ प्रतिशतले घटेर १ अर्ब २६ करोड रुपैयाँ मात्रै प्रिमियम संकलन गरेको छ । गत आवको यस अवधिसम्म कम्पनीले १ अर्ब ८० करोड रुपैयाँ बीमा शुल्क आर्जन गरेको थियो ।
त्यस्तै, सिद्धार्थ प्रिमियर इन्स्योरेन्सको १४.३३ प्रतिशत, युनाइटेड अजोडको १३.५३ प्रतिशत, सगरमाथा लुम्बिनी इन्स्योरेन्सको १.९५ प्रतिशत र नेपाल इन्स्योरेन्सको ०.९० प्रतिशतले व्यवसाय घटेको छ ।
गत आवको तुलनामा सर्वाधिक प्रिमियम बढाउने कम्पनीमा ओरियण्टल इन्स्योरेन्स रहेको छ । गत आवको यस अवधिसम्म ९३ करोड रुपैयाँ मात्रै बीमा शुल्क संकलन गरेको कम्पनील यस अवधिसम्म २६.९५ प्रतिशतले बढेर १ अर्ब १८ करोड रुपैयाँ बीमा शुल्क आर्जन गरेको छ ।
त्यस्तै, नेशनल इन्स्योरेन्सको १८.०८ प्रतिशत, प्रभु इन्स्योरेन्सको १७.०९ प्रतिशत, शिखरको ११.१८ प्रतिशत, सानिमा जिआइसीको १०.३६ प्रतिशत, आइजीआई प्रुडेन्सियल इन्स्योरेन्सको ९.३१ प्रतिशत, हिमालयन एभरेष्टको ९.२५ प्रतिशत, नेको इन्स्योरेन्सको ७.१० प्रतिशत र एनएलजी इन्स्योरेन्सको २.१३ प्रतिशतले व्यवसाय बढेको छ ।
.gif)
.png)
.jpg)
.png)
.gif)
.gif)
