.gif)
_(1).gif)
.png)
काठमाण्डौ । गरिमा विकास बैंक लिमिटेडको प्रमुख कार्यकारी अधिकृत(सीईओ)मा माधवप्रसाद उपाध्याय नियुक्त भएका छन् ।
बैंकको चैत १४ गते बुधबार बसेको सञ्चालक समितिको ३०४ औं बैठकले बैंकमा लामो समयदेखि नायव प्रमुख कार्यकारी अधिकृत पदमा कार्यरत उपाध्यायलाई आगामी बैशाख १ गतेदेखि लागू हुने गरी ४ वर्षका लागि प्रमुख कार्यकारी अधिकृतमा नियुक्त गर्ने निर्णय गरेको हो ।
(1).gif)
व्यवस्थापनमा स्नातकोत्तर गरेका उपाध्याय गरिमा विकास बैंक लिमिटेडमा स्थापना कालदेखि नै कार्यरत रहेका छन् । उनी विगत १५ वर्षदेखि कम्पनी सचिवको रुपमा र विगत ११ वर्षदेखि नायब प्रमुख कार्यकारी अधिकृत पदमा कार्यरत छन् । बैंकिङ्ग क्षेत्रमा प्रवेश गर्नुपूर्व करिब डेढ दशक अध्यापन/प्राध्यापन पेशामा संलग्न थिए ।
यस विकास बैंकमा विगत १५ वर्षदेखि निरन्तर प्रमुख कार्यकारी अधिकृतको जिम्मेवारी सम्हाल्दै आएका गोविन्दप्रसाद ढकालको कार्यकाल २०८० चैत्र मसान्तमा समाप्त हुँदैछ ।
साथै, सोही बैठकले विकास बैंकमा कार्यरत सहायक प्रमुख कार्यकारी अधिकृत अनिल रेग्मीलाई २०८० चैत्र १५ गतेदेखि लागू हुने गरी विकास बैंकको कम्पनी सचिवमा नियुक्त गर्ने निर्णय समेत गरेको छ ।
.gif)
.png)
.jpg)
.jpg)
.jpg)
.jpg)
(1).gif)
.gif)
