ला आसिएन्दाले काठमाण्डौमा भित्र्यायो ल्याटिन अमेरिकी स्वाद, कला र डिजाइनको जीवन्त अनुभव

काठमाण्डौ । काठमाण्डौको आतिथ्य क्षेत्रमा नयाँ आयाम थप्दै मोक्सी काठमाण्डौभित्र ला आसिएन्दा बार्रा ई कोसिना लाटिना सञ्चालनमा आएको छ। आधुनिक ल्याटिन अमेरिकी डाइनिङ र ककटेल संस्कृतिलाई केन्द्रमा राखेर सुरु गरिएको यस रेस्टुरेन्टले खाना, कला, डिजाइन र सांस्कृतिक अनुभवलाई एकै स्थानमा समेटेको छ।

मेक्सिकन पारम्परिक आसिएन्दा वास्तुकलाबाट प्रेरित भए पनि समकालीन शैलीमा विकसित गरिएको ला आसिएन्दाको इन्टेरियर डिजाइन पाब्लो कास्टेलानोस स्टुडियोद्वारा तयार गरिएको हो। यहाँ आर्च संरचना, कलात्मक करिडोर, लाइम–वाश गरिएका भित्ताहरू, कुँदिएका काठका प्यानल र जीवन्त फर्निचरको प्रयोग गरिएको छ, जसले मेक्सिको र ल्याटिन अमेरिकाको ऊर्जा र सांस्कृतिक पहिचानलाई उजागर गर्छ। चन्द्रमाबाट प्रेरित प्रकाशयुक्त बार यस स्थानको प्रमुख दृश्यात्मक आकर्षणका रूपमा स्थापित छ।

कलालाई समेत प्राथमिकतामा राखिएको ला आसिएन्दामा मेक्सिकन कलाकार ब्रेन्डा रोआद्वारा सिर्जित El Sol y el Ave शीर्षकको विशेष कलाकृति राखिएको छ। यस कलाकृतिले रेस्टुरेन्टलाई केवल खानपानको स्थल मात्र नभई सांस्कृतिक पहिचान बोकेको गन्तव्यका रूपमा स्थापित गरेको छ।

स्मृति, यात्रा र सांस्कृतिक आदान–प्रदानबाट प्रेरित ला आसिएन्दाको अवधारणाले पाहुनालाई ल्याटिन अमेरिकाभर फैलिएको स्वादको यात्रामा लैजान्छ। मेक्सिकन शेफ मार्टिन हर्नान्डेज हार्नान्डेजका व्यक्तिगत अनुभव र यात्राबाट प्रेरित मेनुमा मेक्सिकोका परम्परागत तथा सशक्त टाकोदेखि पेरुका ताजा सेभिचेसम्मका विविध परिकार समावेश छन्।

साथै, ल्याटिन अमेरिकाका विभिन्न भूभागबाट प्रेरित स्वादहरूलाई आधुनिक प्रस्तुतीकरणका साथ प्रस्तुत गरिएको छ। प्रत्येक परिकारले एउटा कथा सुनाउँछ भने टकीला, मेज्काल र हस्तनिर्मित ककटेलहरूले त्यस कथालाई अझ समृद्ध बनाउँछन्।

सामान्य सामाजिक भेटघाटदेखि विशेष अवसरका डाइनिङसम्मका लागि उपयुक्त वातावरण प्रदान गर्ने ला आसिएन्दाको केन्द्रमा रहेको डेडिकेटेड ककटेल बारलाई सामाजिक अन्तरक्रियाको मुख्य हबका रूपमा डिजाइन गरिएको छ। यहाँ पाहुनाले हल्का पेयदेखि पूर्ण डाइनिङ अनुभवसम्म लिन सक्नेछन्।

मोक्सी काठमाण्डौभित्र अवस्थित ला आसिएन्दा होटलका पाहुना मात्र नभई काठमाण्डौवासीहरूका लागि पनि नयाँ लाइफस्टायल–केन्द्रित डाइनिङ गन्तव्यका रूपमा प्रस्तुत गरिएको छ, जसले राजधानीको मुटुमा फरक र विशिष्ट ल्याटिन अमेरिकी अनुभव प्रदान गर्ने लक्ष्य राखेको छ।

मोक्सी काठमाण्डौबारे

मोक्सी काठमाण्डौ, मेरियट इन्टरनेशनल अन्तर्गतको आधुनिक लाइफस्टायल होटल हो, जुन स्मार्ट डिजाइन, सामाजिक अन्तरक्रिया र कार्यक्षमतालाई प्राथमिकतामा राख्ने यात्रुहरूका लागि तयार गरिएको हो। काठमाण्डौको केन्द्रमा अवस्थित यस होटलले विश्वस्तरीय आतिथ्य सेवासँगै युवा, ऊर्जाशील र बोल्ड वातावरण प्रदान गर्दछ।

स्टाइलिश कोठा, सामाजिक स्पेस, कामका लागि अनुकूल लाउन्ज तथा क्युरेटेड खाना र पेय विकल्पहरू सहित मोक्सी काठमाण्डौले व्यवसायिक यात्रु, डिजिटल नोमाड तथा फुर्सदको समय बिताउन चाहने पाहुनाहरूलाई लक्षित गर्दै आधुनिक बसाइको अनुभव प्रदान गर्दछ।