मन्जुश्री फाईनान्सले ल्यायो ‘मन्जुश्री सुपर सेफ लकर’ सुविधा

काठमाण्डौ । मन्जुश्री फाईनान्स लिमिटेडले आफ्ना ग्राहकको माझ मन्जुश्री सुपर सेफ लकरको सुबिधा ल्याएको छ । हाललाई यो सुबिधा फाईनान्सको कर्पोरेट शाखा थापाथली र न्युरोडमा उपलब्ध गराइएको छ । साथै, ग्राहकहरुको सहजताका लागि मन्जुश्रीले बिना कुनै सेकुरिटी डिपोजीटनै यो सेवा प्रदान गर्ने छ ।

सिमित अवधिका लागि गरिएको यस छुटको लाभ ग्राहक माहनुभावहरुले  उठाउने विश्वास मन्जुश्रीले राखेको छ ।

विभिन्न आकारमा उपलब्ध यी लकरहरु उच्च प्रबिधि युक्त सुरक्षा प्रणाली, फायरप्रुफ र नियन्त्रित वातावरणमा रहेका छन् । इच्छुक ग्राहकले यो सुबिधाको सेवा लिनका लागि, आफ्नो खाता जुनसुकै शाखामा रहेता पनि आफुलाई लाई पायक पर्ने, लकर सुबिधा उपलब्ध रहेका कुनै एक शाखामा गई यो सुबिधाको लाभ उठाउन सक्नेछन ।

हाल सम्म करिब २४ अर्ब निक्षेप संकलन  तथा २०.५ अर्ब कर्जा प्रबाह गरेको यस मन्जुश्री फाईनान्सले २८ वटा शाखाको साथै एउटा विस्तारित काउन्टरबाट आफ्नो ग्राहकहरुलाई उत्कृष्ट बैंकिङ सेवा उपलब्ध गराईरहेको छ भने  १ लाख ८५ हजार बढी ग्राहकलाई सेवा दिदै आइरहेको छ। यस अघि मन्जुश्री फाईनान्सले आफ्ना ग्राहकहरु माझ मन्जुश्री भर्चअल क्रेडिट कार्ड सेवा पनि उपलब्ध गराउदै आइरहेको छ ।