.gif)
_(1).gif)
.jpg)
.png)
काठमाण्डौ । केन्द्रीय बैंकलाई बैक बैंकहरुको पनि बैंक भनिन्छ । बैंक तथा वित्तीय संस्थाले दैनिक रुपमा राष्ट्र बैंकमा बैंकका गतिविधि तथा तथ्यांक पेश गर्नुपर्ने हुन्छ । तर राष्ट्र बैंकले भने बैंक तथा वित्तीय क्षेत्रको सूचकको अपेडट भने ढिला गरी गर्ने गरेको छ । राष्ट्र बैंकले एक साता सम्म पनि तथ्यांकको अपटेड नगरेको पाइन्छ ।
राष्ट्र बैंकले आफ्नो आधिकारीक वेवसाइटमा बैंक तथा वित्तीय संस्थाहरुको निक्षेप तथा कर्जाकोे अवस्था, सीडी रेसियो र अन्तर बैंक ब्याजदर जस्ता सूचकहरुका बारेमा अपडेट गर्ने गरेको छ । पछिल्लोपटक राष्ट बैंकले गत बुधबार अर्थात चैत्र २१ यस्तो अपडेट गरेको थियो । त्यसपश्चात एक साताभन्दा बढी समय बितिसक्दा पनि नयाँ अपडेट भएको छैन ।
(1).gif)
नेपाल राष्ट्र बैंकका प्रवक्ता गुणाकर भट्टले राष्ट्र बैंकमा समयमा नै तथ्यांकहरु उपलब्ध नहुनु र भएको तथ्यांकमा पनि एकरुपता नहुनु जस्ता कारणले तथ्यांक अपडेटमा ढिलाइ भएको बिजशालालाई बताए । ‘यस्ता तथ्यांक अनुमानको भरमा राख्न मिल्दैन । यस विषयमा कार्यलय खुलेपछि म बुझ्ने छु ।’भट्टले भने ।
पछिल्लो अपडेट अनुसार बैंक तथा वित्तीय संस्थाको कुल निक्षेप ६१ खर्ब ६ अर्ब रुपैयाँ रहेको छ । त्यस्तै कर्जा प्रवाह ५० खर्ब ८८ अर्ब रुपैयाँ रहेको छ ।
यस्तै सिडि रेसियो ८०.८८ प्रतिशत र अन्तर बैंक ब्याजदर ४.४९ प्रतिशत रहेको छ ।
.gif)
.png)
.jpg)
(3)(1).jpg)
(59)(2)(152).png)
(59)(2)(151).png)
.gif)
.gif)
