(2).gif)
.png)
काठमाण्डौ । अमेरिकी राष्ट्रपति डोनाल्ड ट्रम्पका दक्षिण तथा मध्य एसियासम्बन्धी विशेष दूत तथा भारतका लागि अमेरिकी राजदूतसमेत रहेका सर्जियो गोर आज तीन दिने औपचारिक भ्रमणका लागि काठमाण्डौ आइपुग्दै छन्।
उनको नेपाल भ्रमण, हालै मात्र दक्षिण तथा मध्य एसियाली मामिला हेर्ने अमेरिकी सहायक विदेशमन्त्री एस पावल कपुरको तीनदिने भ्रमण सम्पन्न भएको करिब ११ दिनपछि हुन लागेको हो।
नेपाल बसाईको क्रममा उनले अर्थमन्त्री स्वर्णिम वाग्ले तथा परराष्ट्रमन्त्री शिशिर खनालसँग भेट गर्ने कार्यक्रम तय भएको छ । उनको भ्रमण दुई देशबीच लगानी र आर्थिक सहकार्यमा केन्द्रित रहने अपेक्षा गरिएको छ।
गोरले नेपाल भ्रमणका क्रममा प्रधानमन्त्री बालेन शाहसँग भेट गर्नेबारे भने केही पनि जानकारी दिइएको छैन ।
यसैबीच, भारतीय विदेश सचिव विक्रम मिस्री पनि आगामी वैशाख २८ गते नेपाल भ्रमणमा आउने तयारीमा छन्। उनले प्रधानमन्त्री शाहलाई भारत भ्रमणको औपचारिक निमन्त्रणा दिने अपेक्षा गरिएको छ।
.png)
(1).jpg)
