.gif)
(2).gif)
.jpg)
_(1).gif)
.png)
काठमाण्डौ । बैंकिङ प्रणालीको निक्षेप एकै दिन २ अर्ब रुपैयाँले बढेको छ । नेपाल राष्ट्र बैंकको तथ्यांक अनुसार चैत २६ गते बैंकिङ प्रणालीबाट २ अर्ब थपिएको हो । चैत २५ गते ६१ खर्ब २८ अर्ब रुपैयाँ निक्षेप संकलन रहेको बैंकिङ प्रणालीमा चैत २६ गतेसम्म भने ६१ खर्ब ३० अर्ब रुपैयाँ निक्षेप रहेको छ ।
कुल निक्षेपमा वाणिज्य बैंकहरुको निक्षेप ५४ खर्ब १५ अर्ब रुपैयाँ रहेको छ । चैत २५ गते दिन वाणिज्य बैंकहरुको कुल निक्षेप ५४ खर्ब १३ अर्ब रहेको थियो । यसरी वाणिज्य बैंकहरुको निक्षेप पनि एक दिनको अन्तरालमा २ अर्बले बढेको छ ।
.gif)
यस्तै अन्य वित्तीय संस्थाको निक्षेप पनि १ अर्बले बढ्दै ७ खर्ब १६ अर्ब रुपैयाँ पुगेको छ । चैत २५ गते अन्य वित्तीय क्षेत्रको निक्षेप ७ खर्ब १५ अर्ब थियो ।
बैंकिङ क्षेत्रको कुल कर्जा प्रवाह भने घटेको छ । चैत २५ गते ५० खर्ब ९३ अर्ब रहेको कर्जा प्रवाह चैत २६ गतेसम्म भने १ अर्बले घटेर ५० खर्ब ९२ अर्बमा सीमित भएको छ । बैंकिङ प्रणालीको निक्षेप बढेसँगै सीडी रेसियो ८०.६८ प्रतिशतबाट घटेर ८०.६४ प्रतिशत पुगेको छ । बैंकहरुको अन्तर बैंक ब्याजदर भने स्थिर अर्थात ३.२९ प्रतिशत रहेको छ ।
.png)
.jpg)
.jpg)
(1).gif)
.gif)
