.gif)
_(1).gif)
.png)
काठमाण्डौ । चालु आर्थिक वर्ष सकिन ३ महिना मात्रै बाँकी रहँदा देशको पूँजीगत खर्च भने निकै कम देखिएको छ । महालेखा नियन्त्रक कार्यालयको तथ्यांकका अनुसार चालु आर्थिक वर्ष २०८०/८१ को तेस्रो त्रैमास(चैत महिनासम्म) पूँजीगत खर्च ३२.२४ प्रतिशत रहेको छ ।
सरकारले चालु आर्थिक वर्षका लागि पूँजीगत शीर्षकमा ३ खर्ब २ अर्ब ७ करोड रुपैयाँ विनियोजन गरेको थियो । जसमध्ये चैत मसान्तसम्ममा ९७ अर्ब ३७ करोड ७४ लाख रुपैयाँबराबर मात्रै खर्च भएको छ ।
यो आवका लागि चालुगत शीर्षकमा ११ खर्ब ४१ अर्ब ७८ करोड ४१ लाख रुपैयाँबराबर रकम विनियोजन भएको छ । जसमध्ये हालसम्म ६ खर्ब ४४ अर्ब २ करोड ५४ लाख रुपैयाँ मात्रै खर्च भएको छ । जुन कुल चालुगत शीर्षकको ५१.९३ प्रतिशत हुँन आउँछ । वित्तीय व्यवस्था शीर्षकका लागि ३ खर्ब ७ अर्ब ४५ करोड ३६ लाख रुपैयाँबराबर विनियोजन भएको छ । जसमध्ये ५४.६४ प्रतिशत अर्थात् १ खर्ब ६७ अर्ब ९८ करोड ८६ लाख रुपैयाँबराबर खर्च भएको छ ।
(1).gif)
चालु आवका लागि सरकारले कुल रु १७ खर्ब ५१ अर्ब ३१ करोड २१ लाख बराबरको बजेट विनियोजन गरेको थियो ।
तेस्रो त्रैमाससम्म राजस्व सङ्कलनको अवस्था पनि अपेक्षा अनुरुप हुन सकेको छैन । सरकारले चालु आवका लागि कुल रु १४ खर्ब ७२ अर्ब ४८ करोड ४७ लाख बराबर राजस्व संकलन गर्ने लक्ष्य लिएको छ । तर तेस्रो त्रैमाससम्म भने ७ खर्ब ७३ अर्ब ३ करोड ६६ लाख रुपैयाँ मात्रै राजश्व संकलन भएको छ । जुन वार्षिक लक्ष्यको ५२.५ मात्रै हो ।
.gif)
.png)
.jpg)
.jpg)
.gif)
(1).gif)
.gif)
