.gif)
_(1).gif)
.jpg)
.png)
काठमाण्डौ । आइएमई लाइफ इन्स्योरेन्स कम्पनी थप बीमितमैत्री बन्दै गएको छ । कम्पनीले चालु आर्थिक वर्षको तेस्रो त्रैमाससम्ममा १५ करोड रुपैयाँ भन्दा बढी बीमा दाबी भुक्तानी गरेको छ ।
कम्पनीले चैत मसान्तसम्ममा मृत्यु लाभ बापत र अंगभंग भएको बीमितलाई १५ करोड १५ लाख रुपैयाँ बीमा दाबी भुक्तानी दिएको कम्पनीले जनाएको छ । तेस्रो त्रैमासमा मात्रै कम्पनीले ३ करोड ६४ लाख रुपैयाँ मृत्यु बीमाको क्लेम सेटल गरेको छ ।
चालु आवको पहिलो महिना अर्थात् साउनमा कम्पनीले १ करोड ४९ लाख रुपैयाँ, भदौमा १ करोड ६४ लाख रुपैयाँ र असोजमा २ करोड ७१ लाख रुपैयाँ गरी प्रथम त्रैमासमा मात्रै ५ करोड ८५ लाख रुपैयाँ मृत्यु बीमा तथा अंगभंग भएको बीमितलाई क्लेम सेटल गरेको थियो ।
साथै दोस्रो त्रैमासमा मात्रै कम्पनीले थप ५ करोड ६६ लाख रुपैयाँ बराबरको बीमा दाबी भुक्तानी गरेको थियो । कम्पनीले कात्तिक महिनामा ५५ लाख ५९ हजार रुपैयाँ, मंसिरमा ३ करोड २२ लाख रुपैयाँ र पुषमा १ करोड ८७ लाख रुपैयाँ गरी तेस्रो त्रैमासमा साढे ५ करोड रुपैयाँ मृत्यु बीमा दाबी भुक्तानी गरेको हो ।
त्यस्तै, कम्पनीले तेस्रो त्रैमासमा मात्रै ३ करोड ६४ लाख रुपैयाँ बीमा दाबी भुक्तानी गरेको छ । बीमितको कुनै कारणले मृत्यु हुँदा कम्पनीले हकवाला तथा बीमितको परिवारलाई र अंगभंग भएका बीमितलाई बीमा वापतको चालु आवको पछिल्लो तीन महिनामा मात्रै साढे ३ करोड रुपैयाँ बीमा दाबी भुक्तानी गरेको हो ।
(1).gif)
जसमा कम्पनीले माघ महिनामा ९३ लाख ३२ हजार रुपैयाँ, फागुन महिनामा १ करोड ४४ लाख रुपैयाँ र चैत महिनामा १ करोड २६ लाख रुपैयाँ दाबी भुक्तानी गरेको छ ।
कम्पनीले चैतमा २८ वटा बीमालेखको १ करोड २६ लाख ६३ हजार रुपैयाँको बीमा दाबी भुक्तानी गरेको छ । टर्म पोलिसी अन्तर्गत १२ जना बीमितलाई २७ लाख २२ हजार रुपैयाँ, वैदेशिक रोजगार बीमालेख अन्तर्गतका ७ जना बीमितलाई ८० लाख ५० हजार रुपैयाँ र कन्भेन्सनल पोलिसीअन्तर्गत ९ जना बीमितलाई १८ लाख ९१ हजार रुपैयाँ बराबरको बीमा दाबी भुक्तानी गरेको छ ।
कम्पनीले प्रकाशित गरेको चालु आवको दोस्रो त्रैमाससम्मको अपरिकृष्ट वित्तीय विवरणअनुसार भने कम्पनीले सो अवधिसम्म ९३ करोड ४४ लाख रुपैयाँ बीमा दाबी भुक्तानी गरेको छ ।
जसमा कम्पनीले मृत्यु बीमा दाबी, अंगभंग भएको बीमितलाई बीमा रकम, पोलिसी त्याग, घातक रोग बापतको सुविधा जस्ता सबै क्लेम सेटल गरेको कम्पनीका सूचना अधिकारी सुदिप राणाले बताए । चालु आवको तेस्रो त्रैमाससम्म दाबी भुक्तानी गरेको १५ करोड १५ लाख रुपैयाँ विशुद्ध मृत्यु बीमा दाबी र अंगभंगको बीमा रकम रहेको उनले बताए ।
कम्पनीले दाबी परेको छोटो समयमा आफ्ना ग्राहकहरुलाई झन्झटरहित सेवा प्रदान गर्ने उद्देश्य बोकेको छ ।
.gif)
.png)
.jpg)
.png)
.gif)
.gif)
