युनियन हाईड्रोपावरको नाम र ठेगाना परिवर्तन

काठमाण्डौ । युनियन हाईड्रोपावर लिमिटेडको नाम परिवर्तन भएको छ । कम्पनीको गत वैशाख ६ गते सम्पन्न विशेष साधारण सभाको निर्णयबमोजिम तथा वैशाख ३० गतेको कम्पनी रजिष्ट्रारको कार्यालयको स्वीकृतीअनुसार कम्पनीको नाम परिवर्तन गरिएको हो ।

साविकको युनियन हाईड्रोपावर लिमिटेडको नाममा रहेको सम्पूर्ण चल÷अचल सम्पत्ति तथा तिर्नु पर्ने कर दायित्व आदि समेत परिवर्तित कम्पनीको नाम युनियन हाईड्रो होल्डिङ्ग्सले सकार्ने गरी कम्पनीको नाम परिवर्तन गरिएको हो ।

यसका साथै साविक ठेगाना ललितपुर महानगरपालिका–३ धोबिघाटबाट परिवर्तन भएर काठमाण्डौ महानगरपालिका–१ नक्साल कायम भएको समेत कम्पनीले जानकारी दिएको छ ।