.gif)
_(1).gif)
.png)
.png)
काठमाण्डौ । नारायणी डेभलपमेन्ट बैंक लिमिटेड उल्लेख्य रुपमा घाटा कम गर्न सफल भएको छ । बैंक चालु आर्थिक वर्ष २०८०/८१ को तेस्रो त्रैमाससम्म ४२ लाख ७१ हजार रुपैयाँ घाटामा रहेको छ । यो घाटा अघिल्लो आवको सोहि अवधिको तुलनामा ८७.०२ प्रतिशतले कम हो । अघिल्लो आवको तेस्रो त्रैमाससम्म बैंक ३ करोड २९ लाख रुपैयाँले घाटामा रहेको थियो ।
घाटा घटेपनि बैंकको खुद ब्याज आम्दानीमा भने सुधार भएको छैन । समीक्षा अवधिसम्म बैंकको खुद ब्याज आम्दानी ४८.८६ प्रतिशतको गिरावट आएको छ । बैंकले तेस्रो त्रैमाससम्म ६४ लाख ६९ हजार रुपैयाँ खुद ब्याज आम्दानी गरेको छ । अघिल्लो आवको सोहि अवधिमा बैंकको खुद ब्याज आम्दानी १ करोड २५ लाख रुपैयाँ थियो ।
बैंकको खुद सञ्चालन आम्दानी भने वृद्धि भएको छ । बैंकको खुद सञ्चालन आम्दानी १०५२.६७ प्रतिशतले बढेर ३ करोड २० हजार रुपैयाँको उचाईमा पुगेको छ । बैंकको इम्पेयरमेन्ट चाजृ २ करोड ३० लाख रुपैयाँले ऋणात्मक रहेको छ । बैंकको कर्मचारी खर्च १ करोड ५५ लाख र अन्य सञ्चालन खर्च १ करोड ३७ लाख रुपैयाँ रहेको छ ।
(1).gif)
बैंकको रिटेन्ड अर्निङ ३९ करोड १८ लाख रुपैयाँले ऋणात्मक र रिजर्भ कोषको आकार १८ करोड ७८ लाख रुपैयाँबराबर रहेको छ । तेस्रो त्रैमाससम्म बैंकको निक्षेप संकलन ६३ करोड २८ लाखबाट घटेर ६२ करोड ३७ लाख रुपैयाँमा सीमित बनेको छ ।
त्यस्तै बैंकको कर्जा प्रवाह पनि ४१ करोड २ लाख रुपैयाँबाट घटेर ३२ करोड ३६ लाख रुपैयाँमा सीमित बनेको छ । बैंकको खराब कर्जा अनुपातमा व्यापक वृद्धि भएको छ । अघिल्लो आवको तेस्रो त्रैमाससम्म ४.८१ प्रतिशत रहेको खराब बर्जा अनुपात बढेर ३१.७७ प्रतिशत पुगेको छ ।
समीक्षा अवधिसम्म बैंकको प्रतिसेयर आम्दानी १.६३ रुपैयाँ ऋणात्मक,प्रतिसेयर कुल सम्पत्तिको मूल्य २७५.२३ रुपैयाँ,प्रतिसेयर नेटवर्थ २२.३ रुपैयाँ, मूल्य आम्दानी अनुपात २५५.५० गुणा,तरलता अनुपात ४१.०४ प्रतिशत र पूँजीकोष अनुपात १०.५५ प्रतिशत कायम भएको छ ।
.gif)
.png)
.jpg)
.jpg)
.gif)
(1).gif)
.gif)
