माबिलुङ इनर्जीले डाक्यो साधारण सभा, यस्ता छन् प्रस्ताव

काठमाण्डौ । माबिलुङ इनर्जी लिमिटेडले वार्षिक साधारण सभा आह्वान गरेको छ । जेठ २६ गते बसेको कम्पनीको सञ्चालक समितिको बैठकले छैठौँ वार्षिक साधारण सभा डाकेको हो ।

उक्त सभा आगामी असार २६ गते ललितपुरको कुपण्डोलमा रहेको कुपण्डोल ब्याङ्क्वेटमा बिहान ११ बजेदेखि शुरु हुनेछ ।

सभामा संस्थापक सेयरधनी समूहबाट ३ जना, सर्वसाधारण सेयरधनीहरुको प्रतिनिधित्व गर्ने २ जना तथा स्वतन्त्र विज्ञ सञ्चालक एक जना गरी जम्मा ६ जना सञ्चालकको निर्वाचन गर्ने विशेष प्रस्ताव पारित गरिनेछ ।

यस्तै सभामा गत आवको वार्षिक प्रतिवेदन पारित गरिनुका साथै उक्त अवधिको वार्षिक प्रतिवेदनहरु समेत अनुमोदन गरिनेछ ।

साधारण सभा प्रयोजनका लागि कम्पनीले असार १२ गते एक दिनका लागि बुक क्लोज गर्ने निर्णय गरेको छ ।